Źnikły ŭ Hruzii rasijski aktyvist znajšoŭsia ŭ SIZA ŭ Nižnim Tahile. Jaho abvinavačvajuć u teraryźmie
Rafaił Šepieleŭ staŭ achviaraj pravakacyi rasijskich siłavikoŭ. Jany vymanili jaho z Tbilisi ŭ Cchinvalski rehijon, tam — zatrymali, adpravili va Uładzikaŭkaz.
Aktyvist Rafaił Šapieleŭ, jaki źnik u Hruzii, znajšoŭsia ŭ rasijskim SIZA ŭ Nižnim Tahile. Jaho abvinavačvajuć pa terarystyčnych artykułach, piša «Piervyj otdieł».
Šepieleŭ staŭ achviaraj pravakacyi rasijskich siłavikoŭ. Jany padmanam vymanili jaho z Tbilisi ŭ Cchinvalski rehijon, tam — zatrymali, adpravili va Uładzikaŭkaz, adpravili pad administracyjny aryšt, padčas jakoha vystavili abvinavačańnie pa kryminalnaj spravie i abrali mieru strymańnia, a zatym vysłali pa miescy papiaredniaha rasśledavańnia kryminalnaj spravy ŭ SIZA «Nižni Tahił».
Etap doŭžyŭsia amal paŭtara miesiaca — praź Minieralnyja Vody, Vałhahrad, Sarataŭ, Kazań, Ižeŭsk, Pierm i Jekaciarynburh. U Nižni Tahił aktyvist prybyŭ na minułym tydni.
Šepielevu vystaŭlena abvinavačańnie va «ŭdziele ŭ dziejnaści terarystyčnaj arhanizacyi» (č. 2 art. 205.5. KK RF) — ad 10 da 20 hadoŭ pazbaŭleńnia voli, i ŭ «apraŭdańni teraryzmu» (č. 2 art. 205.2 KK RF) — ad 5 da 7 hadoŭ.
12 kastryčnika Rafaił Šepieleŭ vyjšaŭ z domu na vulicy Mtacminda ŭ Tbilisi i źnik. Pa słovach jaho paplečnikaŭ, u Hruzii jon žyŭ ź vieraśnia 2021 hoda i viartacca ŭ Rasiju nie źbiraŭsia. 13 kastryčnika, na nastupny dzień paśla źniknieńnia, Saviecki rajonny sud Uładzikaŭkaza pryznaŭ aktyvista vinavatym u «drobnym chulihanstvie» (č. 1 art. 20.1 KaAP) — infarmacyja pra heta źjaviłasia na sajcie suda. U jakaści pakarańnia mužčynu adpravili pad administracyjny aryšt na 15 sutak, a paśla vyzvaleńnia źmiaścili ŭ SIZA, abvinavacili ŭ ździajśnieńni złačynstvaŭ terarystyčnaj nakiravanaści i adpravili pa etapie.
Dakumienty aktyvista, u tym liku zamiežny paspart, zastalisia ŭ Hruzii.
Ciapier čytajuć
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU5
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu66
Kamientary