Ekśpierty-ekołahi: Na BiełAES patracili kala siami miljardaŭ dalaraŭ, a nie piać, jak kažuć ułady
Supolnaść «Zialonaja Biełaruś» padličyła vydatki na Astravieckuju AES. Atrymalisia inšyja ličby, čym śćviardžajuć ułady, piša «Radyjo Svaboda».
Ekśpierty supolnaści «Zialonaja Biełaruś», u jakuju ŭvachodzić taksama ekśpiertnaja inicyjatyva iSans, raskazali, kolki realna mahli vydatkavać na pabudovu AES u Biełarusi. U pačatku listapada Ministerstva finansaŭ Rasiei nazvała košt Biełaruskaj AES — 5,36 miljarda dalaraŭ. Mienavita stolki, pa ich padlikach, Biełaruś skarystała z rasiejskaha kredytu na AES, jaki byŭ pamieram 10,5 miljarda.
Jaŭhien Makarčuk, supracoŭnik Departamienta enierhietyčnaj biaśpieki iSans, pryvodzić inšyja padliki. Pavodle jaho słoŭ, na stancyju patracili ahułam 6,84 miljarda dalaraŭ. Bo dadatkova byli traty na:
- linii i padstancyi — 237,2 miljona;
pikava-reziervovyja krynicy — 515 miljonaŭ dalaraŭ;
elektrakatły na stancyjach — 190 miljonaŭ dalaraŭ.
Akramia taho, na samu stancyju Biełaruś, pa padlikach ekśpiertaŭ, dadatkova patraciła 536 miljonaŭ dalaraŭ.
Ahułam atrymlivajecca 6,84 miljarda dalaraŭ.
Na dumku ekśpierta, uznaŭlalnyja krynicy elektraenierhii bolš vyhadnyja dla Biełarusi ŭ dalejšaj pierśpiektyvie.
«AES vyrablaje elektraenierhiju pa 6 centaŭ za kiłavat-hadzinu, uznaŭlalnyja krynicy vyrablajuć enierhiju pa 3 centy i časam tańniej. Z hetaha koštu za AES taksama viartajecca kredyt, heta kala 3 centaŭ», — havoryć Jaŭhien Makarčuk.
Ciapier čytajuć
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra17
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
«Vykopvała nievialikija jamki, źbirała mutnuju daždžavuju vadu i piła jaje». Piensijanierka, jakaja dva tydni błukała pa lesie, raskazała, jak joj udałosia vyžyć22
Kamientary