Ksiandza Łašuka abvinavacili ŭ tym, što jon maje dziaciej. Kaścioł pačaŭ raźbiralnictva
Siońnia kuryja Minska-Mahiloŭskaj archidyjacezii prakamientavała situacyju, źviazanuju z probaščam kaścioła ŭ Stoŭbcach Iharam Łašukom.
«Sprava ks. Ihara Łašuka, probašča parafii sv. Kazimira ŭ Stoŭbcach, daśledujecca ŭ śviatle normaŭ Kodeksa Kananičnaha prava», — havorycca ŭ paviedamleńni.
Taksama kuryja prakamientavała i zatrymańnie probašča parafii sv. Juzafa ŭ Vałožynie Hienadzia Akałatoviča. «Ks. Hienadź Akałatovič, probašč parafii sv. Juzafa ŭ Vałožynie, u suviazi z zatrymańniem na dadzieny momant nie moža vykonvać dušpastyrskija abaviazki. Akaličnaści spravy vyśviatlajucca», — adznačajecca ŭ paviedamleńni.
Niekalki dzion tamu «Rabočy ruch» vypuściŭ rasśledavańnie pra toje, što tytuł papskaha rycara dla nabližanaha da Łukašenki biznesoŭca Alaksandra Zajcava łabiravaŭ ksiondz Ihar Łašuk, i heta rabiłasia dziela abychodu sankcyj.
Taksama ŭ rasśledavańni havorycca pra toje, što Ihar Łašuk, imavierna, źjaŭlajecca tatam dvuch chłopčykaŭ 2010 i 2013 h. n. i maje pastajannyja suviazi ź ich maci S.
Katalickim śviataram zabaroniena mieć siamju, i jany prymajuć celibat.
Adnak, pavodle bazy AIS Pašpart, tatam abodvuch chłopčykaŭ źjaŭlajecca Łašuk Ihar Stanisłavavič (poŭny ciozka ksiandza). Pry hetym u Biełarusi jość tolki adzin čałaviek z takim proźviščam, imiem i imiem pa baćku, havorycca ŭ rasśledavańni.
Taksama ŭ rasśledavańni śćviardžajecca, što, pavodle bazaŭ źviestak, ad 2007 da 2020 h. S. vyjazdžała ź Iharam Łašukom za miažu jak minimum 25 razoŭ, a sam śviatar razam z S. i małodšym synam na lehkavym aŭto jeździŭ va Ukrainu, a letam 2012 h. jany razam latali ŭ Bałharyju.
Ksiandza Ihara Łašuka časam nazyvajuć «ksiandzom-budaŭnikom». Ën uźvioŭ kaścioły ŭ minskaj Sierabrancy, ruščycaŭskim Bahdanavie, a ciapier buduje ŭ Stoŭbcach.
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary