«Sputnik V» zusim pierastaŭ abaraniać ad novych štamaŭ kavidu. A ŭ Biełarusi im praciahvajuć vakcynavać
Varyjant «Sputnika V» abaraniaŭ ad COVID-19 na praciahu pieršych dvuch hadoŭ, ale sa źjaŭleńniem novych štamaŭ jaho efiektyŭnaść pačała padać, i siońnia vakcyna zusim nie abaraniaje, zajaviŭ Alaksandr Hincburh (kiraŭnik Centra imia Hamalei, jaki i raspracavaŭ vakcynu) i anansavaŭ novy varyjant vakcyny, piša RBK.
Pieršaja zarehistravanaja ŭ śviecie vakcyna ad karanavirusa «Sputnik V» sa źjaŭleńniem štama COVID-19 «krakien» pierastała abaraniać zusim, iduć kliničnyja vyprabavańni abnoŭlenaj vakcyny, zajaviŭ kiraŭnik Centra imia Hamalei Alaksandr Hinzburh. Centr imia Hamalei i raspracavaŭ hetu vakcynu.
Pavodle jaho słoŭ, zychodny varyjant «Sputnika» abaraniaŭ ad COVID-19 na praciahu pieršych dvuch hadoŭ, heta značyć z momantu rehistracyi, sa žniŭnia 2020-ha da lipienia 2022 hoda. Adnak pačynajučy ź siaredziny leta 2022 hoda, kali źjavilisia varyjanty COVID-19 «amikron» 1, 2 i 3, varyjanty 4 i 5, efiektyŭnaść upała ŭžo ŭ 20 razoŭ.
«A kali źjaviŭsia XBB.1.5 — varyjant «amikrona» («krakien») — heta było ŭ studzieni 2023 hoda, — «Sputnik» pierastaŭ abaraniać naohuł. Tamu treba było jašče letam minułaha hoda mianiać antyhienny skład vakcyny», — dadaŭ navukoviec.
Pavodle jaho słoŭ, navukoŭcy centra padrychtavali novyja varyjanty vakcyny ŭ łabaratoryi, imi pravakcynavali supracoŭnikaŭ centra. Pravodziacca kliničnyja vyprabavańni «Sputnika V» na asnovie XBB.1.5, jany zavieršacca 10 śniežnia.
U hramadzianski abarot novaja vakcyna moža pastupić u sakaviku.
U žniŭni 2020 hoda Rasija pieršaj u śviecie zarehistravała vakcynu suprać karanavirusa — «Sputnik V» raspracoŭki NDC epidemijałohii i mikrabijałohii imia Hamalei. Vakcyna składajecca z dvuch kampanientaŭ na asnovie adenavirusnych viektaraŭ 26-ha i piataha typaŭ. U RFPI tady zajaŭlali, što efiektyŭnaść «Sputnik V» pavodle vynikaŭ analizu źviestak 3,8 młn vakcynavanych rasijan skłała 97,6%. Pryščepka pravodziłasia dvuma kampanientami. Potym źjaviŭsia adnakampanientny «Sputnik łajt».
U Biełarusi robiać pryščepki «Sputnikam V», «Sputnikam łajt», kitajskaj vakcynaj «Sinafarm» (Vero Cell), a taksama častkova kubinskaj «Sabierana».
Kamientary