Ministerstva achovy zdaroŭja Biełarusi ŭniesła źmieny ŭ pieralik prafiłaktyčnych pryščepak pa epidemičnych pakazańniach.
U jaho ŭklučany paradak vakcynacyi suprać infiekcyi COVID-19, piša smartpress.by.
Jak udakładnili ŭ Ministerstvie achovy zdaroŭja, vyznačana, što vakcynacyja suprać infiekcyi COVID—19 pravodzicca štohod u vieraśni-śniežni.
Pravodzić jaje buduć dzieciam va ŭzroście ad 5-17 hadoŭ z chraničnymi zachvorvańniami, ź imunasupresijaj, jakija znachodziacca va ŭstanovach z kruhłasutačnym režymam znachodžańnia (heta škoły-internaty, śpiecyjalizavanyja licei, suvoraŭskija i kadeckija vučyliščy).
Vakcynacyi taksama padlahajuć asoby
- va ŭzroście 18 hadoŭ i starejšyja z chraničnymi zachvorvańniami, ź imunasupresijaj,
- starejšyja za 60 hadoŭ, jakija znachodziacca i pracujuć va ŭstanovach z kruhłasutačnym režymam znachodžańnia,
- miedycynskija i farmaceŭtyčnyja rabotniki,
- ciažarnyja žančyny.
Jak rastłumačyli ŭ Ministerstvie achovy zdaroŭja, mienavita hetym katehoryjam rekamiendujuć abaviazkova pryščapicca. Akramia taho, vakcynavać buduć i «inšych asob pry zvarocie».
U pačatku hoda ŭ Biełarusi byli ŭniesieny źmieny ŭ taktyku vakcynacyi suprać COVID-19. Tak, kali raniej dla vakcynacyi prapanoŭvalisia tolki rasijski «Sputnik» i kitajski «Sinafarm», to ciapier padychodzić «lubaja dastupnaja vakcyna dla prafiłaktyki COVID-19, dapuščalnaja da vykarystańnia z ulikam uzrostu i pakazańniaŭ».
Ekśpierty adznačajuć, što karanavirus usio bolš nabyvaje rysy siezonnaj infiekcyi.
Ciapier čytajuć
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie4
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1212
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva12
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3232
Kamientary