Ministr zamiežnych spraŭ Niamieččyny: ES budzie raspaściracca ad Lisabona da Łuhanska
Na niefarmalnaj sustrečy kiraŭnikoŭ MZS krain ES u Kijevie ministr zamiežnych spraŭ Niamieččyny vykazała ŭpeŭnienaść u chutkim uvachodžańni Ukrainy ŭ Jeŭrasajuz, piša Deutsche Welle.
Ukraina, u tym liku jaje terytoryi, jakija znachodziacca ciapier pad rasijskaj akupacyjaj, u chutkim časie stanie siabram Jeŭrasajuza. Takuju acenku vykazała ministr zamiežnych spraŭ Analena Bierbak na sustrečy kiraŭnikoŭ MZS krain — siabraŭ ES u Kijevie.
«Budučynia Ukrainy — u Jeŭrapiejskim sajuzie. U našaj supolnaści svabody. I chutka jana budzie raspaściracca ad Lisabona da Łuhanska», — zajaviła kiraŭnik niamieckaj dypłamatyi.
Sa słoŭ Bierbak, z kožnym mietram ukrainskaj terytoryi, z kožnaj vioskaj, vyzvalenaj ad rasijskaj akupacyi, «Ukraina pratorvaje sabie darohu ŭ ES».
U toj ža čas Bierbak adznačyła, što patreba Kijeva ŭ dapamozie raście pa miery nabližeńnia chaładoŭ. Tamu Ukrainie nieabchodnaja «zimovaja abarona», da jakoj adnosicca i pavietranaja abarona, reziumavała ministr. Pry hetym jana dadała, adnak, što ŭ jeŭrapiejcaŭ «majecca ŭžo nie tak šmat sistem, jakija možna było b pastavić» Kijevu.
U lipieni 2022 hoda Ukraina aficyjna atrymała status krainy — kandydata na ŭvachodžańnie ŭ ES. Na dumku Bierbak, z tych časoŭ Kijeŭ uražvalna pačaŭ pravodzić reformy — jak u śfierach pravasudździa i ŚMI, tak i ŭ płanie «ciažkaj temy karupcyi».
Sa svajho boku, kiraŭnica MZS Francyi Katryn Kałana, kali była ŭ Kijevie, taksama zajaviła, što Ukraina źjaŭlajecca častkaj «jeŭrapiejskaj siamji», a Rasii nie varta «raźličvać na stomlenaść jeŭrapiejcaŭ».
29 vieraśnia kiraŭniki dziaržaŭ i ŭradaŭ krain JEZ abmiarkoŭvali ŭ ispanskaj Hrenadzie zaklik Kijeva jašče da kanca hetaha hoda pačać pieramovy ab uvachodžańni Ukrainy ŭ ES. Jeŭrakamisija maje namier dać svaju rekamiendacyju na hety kont nie paźniej za pačatak listapada. Vynikovaje rašeńnie pavinna być pryniata na samicie ES u Brusieli ŭ siaredzinie śniežnia. Dla dałučeńnia Ukrainy da ES patrebnaja zhoda na heta ŭsich 27 členaŭ Jeŭrasajuza.
Kamientary
Heta ty - hałoŭny łukašyst i pucinist, kali hetaha nie razumieješ. I viedaješ, vyrašać mienavita mnie, ja ŭ hetyja vychodnyja mienavita hałasuju, nia łopni tam ad zajzdraści.