Jak vyhladajuć kvatery z sacyjalnym ramontam dla čarhavikoŭ i kolki za ich prosiać
Plitka ŭ vannym pakoi takaja ž, jak u padjeździe.
Kvatery dla tych, chto staić u čarzie na atrymańnie žylla, zdajuć z tak zvanym sacyjalnym ramontam. Voś jak jon vyhladaje i što jość unutry žylla.
Adna z kvater, jakuju pradajuć u domie dla čarhavikoŭ, mieścicca ŭ Minsku pa adrasie vulica Jaŭchima Karskaha, 33.
Na padłozie pa ŭsioj kvatery, aproč vannaha pakoja, lažyć łaminat šeraha koleru. Ścieny paŭsiul biełyja, jak i mižpakajovyja dźviery.
Dźviarnaja furnitura vyhladaje maksimalna ścipłaj. Uvachodnyja dźviery znutry taksama šeryja, ale na ton śviatlejšyja za padłohu.
Padłoha ŭ vannym pakoi ź plitkaj, jakaja taksama šeraha koleru. Tam užo stajać vanna, unitaz i ŭmyvalnik. Ścieny, jak i paŭsiul, taksama biełyja.
U standartnaje azdableńnie kvatery ad dziaržaŭnaha zabudoŭščyka ŭvachodzić kuchonnaja plita na čatyry kamforki i ŭmyvalnik.
Vyhlad apošniaha nijak nie kareluje z sučasnaj kvateraj. Vierahodna, što ŭmyvalnik z kuchni pajedzie ŭ najlepšym vypadku na lecišča.
Prosiać za takuju dvušku $125 tysiač, što pa $1950 za mietr.
Inšaja kvatera ź dziaržaŭnym ramontam pradajecca ŭ stalicy pa adrasie vulica Ubareviča, 98/A.
Kanceptualna adroźnieńni nievialikija — tut šeraja nie tolki padłoha, ale i špalery na ścienach.
Mižpakajovyja dźviery taksama vyhladajuć vielmi tanna i svaim vyhladam bolš nahadvajuć niejkaje ofisnaje ci administracyjnaje pamiaškańnie, čym kvateru, u jakoj žyvuć ludzi.
Biełyja ścieny tolki ŭ vannym pakoi i ŭ tualecie. Na padłozie šeraja plitka, pryčym vielmi padobnaja da toj, što lažyć u padjeździe.
Na kuchni, padobna, staić usio taja ž standartnaja elektryčnaja plita i čyhunny ŭmyvalnik.
Za hetuju adnapakajoŭku na 42,6 mietra prosiać $80 tysiač, ci pa $1880 za mietr.
Jašče adna adnapakajoŭka ŭ domie dla čarhavikoŭ pradajecca ŭ domie pa vulicy Karvata, 3a. Ad papiarednich dźviuch kvater jana adroźnivajecca bolš sučasnymi i, adpaviedna, bolš darahimi (prynamsi na vyhlad) mižpakajovymi dźviaryma i adcieńniem padłohi.
Plita i ŭmyvalnik adnolkavyja. A ŭ vannym pakoi i tualecie lažyć nie šeraja, a karyčnievaja plitka. Adpaviedna, takaja samaja lažyć i ŭ padjeździe.
Letaś u prodažy była zaŭvažana jašče adna kvatera z ramontam ad dziaržaŭnych zabudoŭščykaŭ. Mieściłasia jana ŭ Ściapiancy. Špalery tam byli takija samyja, jak i ŭ papiarednich «šerych» kvaterach.
Hałoŭnaje adroźnieńnie ad inšych kvater — u kolery padłohi, a plitka ŭ vannym pakoi i tualecie znoŭ ža takaja samaja, jak i ŭ padjeździe.
Aproč ludziej, jakija stajać u čarzie na palapšeńnie žyllovych umoŭ, kvatery z anałahičnym azdableńniem zvyčajna vydajuć tym, čyje damy byli źniesienyja.
Ci možna adrazu pradavać takija kvatery? Tak, u adroźnieńnie ad kvater ź ilhotnym kredytavańniem, prodaž kvater, pabudavanych čarhavikami, nie maje nijakich abmiežavańniaŭ.
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty30
Kamientary
Ja smotriu na eto vsio i ticho o..iu..
Diejstvitielno, počiemu, kto priniał riešienije žiť odin, čajłdfri, dołžien so svoich nałohov eto opłačivať, a siebie kopiť vsiu žizń i pod starosť kupiť chibaru???