Niedaloka ad Armuzskaha praliva raźbiŭsia jašče adzin amierykanski samalot
U rajonie Piersidskaha zaliva raźbiŭsia jašče adzin vajskovy samalot ZŠA, paviedamlaje The New York Times sa spasyłkaj na dvuch amierykanskich čynoŭnikaŭ.
Havorka idzie pra šturmavik A-10 Warthog, jaki paciarpieŭ katastrofu niedaloka ad Armuzskaha praliva. Pavodle infarmacyi amierykanskich čynoŭnikaŭ, jaho piłota ŭdałosia vyratavać, i jon nie paciarpieŭ.
Adznačajecca, što heta zdareńnie adbyłosia prykładna ŭ toj ža čas, kali nad Iranam byŭ źbity inšy amierykanski samalot — F-15E Strike Eagle.
Dakładnyja pryčyny padzieńnia A-10 pakul nie raskryvajucca, i padrabiaznaściaŭ pra incydent mała. Taksama źjavilisia paviedamleńni, što padčas vyratavalnaj apieracyi moh paciarpieć viertalot UH-60 Black Hawk, ale jaho ekipaž, pavodle papiarednich źviestak, zastaŭsia ŭ biaśpiecy.
Raniej paviedamlałasia, što ŭpieršyniu z pačatku kanfliktu iranskija siły zmahli źbić amierykanski źniščalnik F-15E. Adnaho z členaŭ jaho ekipaža vyratavali, a los druhoha pakul dakładna nieviadomy — jość źviestki, što jon moh być zachopleny.
Ciapier čytajuć
«Lipa va ŭsich sensach». Voś jak buduć vyhladać drevy ŭ vazonach na hałoŭnym minskim praśpiekcie. Błohiery atrymali zadańnie imi zachaplacca16
Kamientary
Soobŝienija o tom, čto v piatnicu v rajonie Piersidskoho zaliva był śbit vtoroj bojevoj samolet VVS SŠA, nie sootvietstvujut diejstvitielnosti.
Šturmovik A-10 Warthog popał pod «obstrieł protivnika» vo vriemia proviedienija spasatielnoj opieracii po evakuacii člena ekipaža amierikanskoho istriebitiela F-15E.
Upali oba.