Duraŭ zajaviŭ, što Telegram budzie adaptavacca da błakavańniaŭ u Rasii
«Sardečna zaprašaju znoŭ u «Ličbavy supraciŭ», maje ruskija braty i siostry», — napisaŭ jon.
Stvaralnik Telegram Pavieł Duraŭ prakamientavaŭ błakavańnie miesiendžara ŭ Rasii, paabiacaŭšy zrabić jaho trafik «bolš składanym dla vyjaŭleńnia i błakavańnia».
«Sardečna zaprašaju znoŭ u «Ličbavy supraciŭ», maje ruskija braty i siostry. Zaraz usia nacyja mabilizavanaja, kab abyści hetyja absurdnyja abmiežavańni. My taksama budziem adaptavacca, robiačy trafik Telegram bolš składanym dla vyjaŭleńnia i błakavańnia», — napisaŭ jon.
Pradprymalnik adznačyŭ, što niekalki hadoŭ tamu Iran zabaraniŭ Telegram — «i vynik akazaŭsia anałahičnym rasijskamu». Pavodle jaho danych, 65 miljonaŭ rasijan štodnia karystajucca Telegram praz VPN, a bolš za 50 miljonaŭ — adpraŭlajuć paviedamleńni.
Kamientary
Uvohule jaho pavodziny mutnavatyja. Čamuści dazvalaŭ rekłamu alternatyŭnaha rasiejskaha klijenta Telega, jaki značna źnižaje ŭzrovień biaśpieki.
Zaraz pavialičyłasia ryzyka, što rasiejanie nie zmohuć kuplać telehram premium. I tolki tady pačaŭ dumać?
Na Biełaruś heta pakul napramuju nie ŭpłyvaje. Ale honka technałohij pa błakiroŭcy ŭpłyvaje ŭskosna: tut iduć pa śladach RF. I nastupstvy mohuć być horšymi nie tolki dla karystalnikaŭ telehrama, ale i inšych miesendžaraŭ, VPN.
Zvyčajnym biełarusam zaraz taksama patrebnaja, žyćciova nieabchodnaja taja ananimnaść, jak i kryminalnikam. Takoje žyćcio pry tatalitaryźmie.
I kali nie budzie telehrama, usie, kamu patrebnaja ananimnaść (choć ŭmoŭnaja), pojduć u jaki vacap abo sihnał, tor i h.d.
Da taho ž pačnicie šukać "dach" narkatrafika ŭnutry MUS, a nie siarod šerahovych raspaŭsiudžvalnikaŭ.