Kamandzir Ruskaha dobraachvotnickaha korpusu patłumačyŭ, ci jon arhanizavaŭ napad na Idraka Mirzalizade
«Ja liču, što žart byŭ źniavažlivym i niepavažlivym. Tamu ja skazaŭ, što ja płaču 50 000 rubloŭ [kala 700 dalaraŭ] tamu, chto pakaža mnie videa z prabačeńniami Idraka».
Kamandzir Ruskaha dobraachvotnickaha korpusu (RDK) Dzianis Kapuścin u intervju Juryju Dudziu raskazaŭ, ci arhanizoŭvaŭ napad na stendap-komika Idraka Mirzalizade ŭ 2021 hodzie.
U 2021 hodzie Mirzalizade ŭ humarystyčnaj prahramie «Razhony» raspavioŭ pra ciažkaści z arendaj kvatery ŭ Maskvie, bo «nieruskim nie zdajuć», a taksama pažartavaŭ pra ruskich i brudny matrac.
«My z bratam vykidali abasrany matrac, a ŭ hetaj kvatery byŭ abasrany matrac. Papiarednija zdymščyki, kali što, ruskija. Mabyć, ruskija abmazvajucca łajnom i kładucca spać». Paśla komik dadaŭ: «Francuzy vialikaja nacyja i mohuć dazvolić sabie być nacyjanalistami. Tak, heta drenna — być nacyjanalistam, ale francuzy mohuć sabie heta dazvolić (…) A heta chto? Niejki ruski Pavieł hladzić na mianie z pretenzijaj».
Praz čas frahmient jaho vystupu raskrytykavali telekanał «Carhrad» i žurnalist Uładzimir Sałaŭjoŭ. A Kapuścin napisaŭ post nastupnaha źmiestu:
«Idrak Mirzalizade… fuch, ledź vymaviŭ. Dy zrazumieła (…) abnahleły u**ak, niaśmiešny (…) kłoŭn. Niama čaho dadać da hetaha absalutna. Heta ŭžo dobraja tradycyja, kali ŭsiakaja dreń pryjazdžaje ŭ Rasiju, raśćvitaje tut, a potym palivaje jadam i łajnom darahich ruskich suhramadzian».
Praź niekalki tydniaŭ paśla publikacyi, jak zhadvaje Dudź, Kapuścin vykłaŭ post pra toje, jak jaho «nieabyjakavyja padpisčyki» napali na Idraka.
«Hety napad arhanizavaŭ ty?» — spytaŭ Juryj Dudź.
«Ja nie mahu skazać, što ja jaho arhanizavaŭ, ale ja zaklikaŭ da taho, kab mnie dasłali videa. (…) Ja liču, što žart byŭ niaśmiešnym. Ja liču, što jon byŭ źniavažlivym i niepavažlivym. Tamu ja skazaŭ, što ja płaču 50 000 rubloŭ (kala 700 dalaraŭ. — NN) tamu, chto pakaža mnie albo videa z prabačeńniami Idraka, albo videa z… łajnom, ruskim łajnom, jakoje jon zhadvaŭ u svaim fieljetonie, jakim jaho, nie viedaju, abaljuć ci tam niešta zrobiać», — adkazaŭ Kapuścin.
Praź niekalki dzion nieviadomyja napali na Mirzalizade kala stancyi mietro. Pavodle słoŭ Kapuścina, napadniki sami źviazalisia ź im: «Mnie pišuć dvoje chłopcaŭ, dasyłajuć videa: «Voś niedzie tam my dali jamu pa hałavie». Pry hetym ad abiacanych hrošaj vykanaŭcy admovilisia, zajaviŭšy, što dziejničali z «ideałahičnych mierkavańniaŭ».
Paśla napadu pamiž Kapuścinym i Mirzalizade zaviazałasia pierapiska, jakaja doŭžyłasia niekalki dzion. Kapuścin śćviardžaje, što sprabavaŭ danieści svaju pazicyju ab tym, što stendapier «pastupiŭ niapravilna, niahodna i źniavažliva ŭ adnosinach da publiki, krainy, jakaja jaho pryniała».
«U nas była doŭhaja narmalnaja dyskusija. Narmalnaja dyskusija, abjektyŭnaja. Ja danios svaju pazicyju. Ja dumaju, što jon mianie pačuŭ. Pahadziŭsia jon ci nie pahadziŭsia, nie viedaju. (…) Ale heta było biez mataŭ, biez voś hetaha ŭsiaho. (…) Ja pačaŭ z taho, što: «A ciabie praŭda ciapier u rajonie takoj i takoj stancyi ŭdaryli?».
Jon kaža: «A čamu, chto pytajecca?». Ja kažu: «Ja pytajusia, ja heta ŭsio ŭ siabie na kanale pościŭ, ja napisaŭ «50 000 rubloŭ»». I dalej my pajšli ŭ dyskusiju. Jon staŭ mnie tłumačyć, čamu heta byŭ žart».
Na pytańnie Juryja Dudzia, čamu nielha było prosta napisać Idraku i pasprabavać vyrašyć kanflikt słovami, Kapuścin adkazaŭ: «Što b jon tady zrabiŭ? Jon ža skazaŭ potym sa sceny, što nie ličyć, što jon nie maje racyi, i vybačacca ni pierad kim nie budzie».
Na dumku Kapuścina, mienavita napad zrabiŭ jaho fihuru značnaj u vačach Idraka:
«Heta było tryhieram našych znosin. Nu davaj ujavim: ty ŭmoŭna papularny stendapier i tabie prosta piša niejki typ z 50 padpisčykami ŭ instahramie i niešta tam tabie pačynaje pradjaŭlać. (…) Ja niejki noŭnejm u jaho vačach na toj momant absalutna. I jon što, stanie reahavać ci stanie vybačacca? (…) Tady b i razmovy b nie pačałosia, razumieješ?»
Na pytańnie Dudzia, jakija byli ŭ Kapuścina emocyi ad taho, što ludzi vykonvajuć toje, da čaho jon zaklikaje, mužčyna adkazaŭ:
«Ja razumieju, što heta značyć. Mianie surjozna ŭsprymajuć. Jość ludzi, dla jakich majo mierkavańnie maksimalna aŭtarytetnaje. Jość ludzi, jakija hatovyja navat niečym ryzyknuć — administracyjnym štrafam ci kryminalnym pieraśledam — dziela taho, kab zrabić niešta, što ja liču važnym».
Pavodle jaho słoŭ, tyja ludzi, što raniej vykonvali jaho zakliki ŭ internecie, ciapier pryjazdžajuć va Ukrainu i ŭstupajuć u RDK pad jaho niepasrednaje kamandavańnie.
Dzianis Kapuścin naradziŭsia ŭ 1984 hodzie ŭ Maskvie. Kali jamu było 17 hadoŭ, siamja pierajechała ŭ Kioln.
Dzianis byŭ fanatam maskoŭskaha CSKA, ultrapravym aktyvistam, zajmaŭsia spartovymi adzinaborstvami. Padtrymaŭ Majdan, z 2017 hoda žyŭ va Ukrainie.
U 2022 hodzie jon zasnavaŭ va Ukrainie Ruski dobraachvotnicki korpus. U Rasii zavočna prysudžany da pažyćciovaha źniavoleńnia.
«Voś za heta vas, chačej, i nienavidziać!» Komik Mirzalizade raskazaŭ, ci možna ličyć biełarusaŭ talerantnymi
Stendapier Mirzalizade: Heta dziŭny ruch — pošuk supieražyvańnia da rasijanaŭ
«Mnie stolki hadoŭ, jak Isusu Chrystu, kali jon pamior i ŭvaskros». Dzianis Kapuścin daŭ pieršaje intervju paśla insceniroŭki jahonaj śmierci
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary
Adny na ruśtivi ińšyja u rdk
I ..Idrak .. dźla Biełarusi i dźla Azierbajdžana ..vypadkovy piersanaž Na fonie padobnych stendapieraŭ i Pietrosian intelektuał ))