«Voś za heta vas, chačej, i nienavidziać!» Komik Mirzalizade raskazaŭ, ci možna ličyć biełarusaŭ talerantnymi
U novym vypusku TOKu komik Idrak Mirzalizade vykazaŭ svoj pohlad na staŭleńnie biełarusaŭ da nie takich, jak jany.
Siamja Idraka Mirzalizade pierajechała z Azierbajdžana ŭ Biełaruś, kali jamu było 2 hady. Pavodle nacyjanalnaści jon tałyš. U Minsku Idrak skončyŭ nie tolki siaredniuju škołu, ale i fakultet žurnalistyki BDU. Zychodziačy z ułasnaha žyćciovaha vopytu, komik raskazvaje pra śpiecyfičnaje staŭleńnie biełarusaŭ da ludziej, jakija ad ich adroźnivajucca.
«Takoje jość u Biełarusi. Sto adsotkaŭ jość», —
śćviardžaje Idrak i ŭ jakaści prykładu pryvodzić vypadak z svajho dziacinstva:
«Mnie tata padaryŭ miač. Ja pryjšoŭ u škołu. Starejšy za mianie [chłopiec] spytaŭ: «Možna ja pahulaju ŭ miač?» I ja skazaŭ «Nie». Jon skazaŭ: «Voś za heta vas, chačej, i nienavidziać!»
«Heta śmiešnaja situacyja, durackaja. Ale takoje jość. Na inšaści zaŭsiody va ŭsich krainach hladziać z žacham, [bo] nie viedajuć, što heta, dzie heta. Tolki z-za taho, što dla kahości heta štości novaje», — vykazvaje svajo mierkavańnie Mirzalizade.
Komik taksama zhadvaje pra isnavańnie ŭ Biełarusi hrupoŭki fanataŭ minskaha futbolnaha kłubu «Dynama».
«Dynamiki» byli — fanaty «Dynama» (Minsk), jakija «niby» nacyki. «Niby». Niby takija suprać čahości», — z uśmieškaj raskazvaje Idrak, akcentujučy ŭvahu na słovie «niby», palcami bieručy jaho ŭ dužki.
Zhadvajučy pačatak 2000-ch, Idrak zaŭvažaje, što ŭ toj čas u Biełarusi adnosiny da ludziej z Kaŭkazu nie mieli toj vastryni, jak, naprykład, u Rasii.
«Ale heta jość. Tamu nie treba ličyć, što biełarusy — heta dobryja-dobryja ludzi. Zrazumieła, što žach da inšaści jość i tam. Heta zrazumieła», —
padkreślivaje Mirzalizade i dla paćviardžeńnia svajho pohladu źviartaje ŭvahu na mižnacyjanalnyja adnosiny siarod mihrantaŭ za miažoju:
«Možaš zaŭvažyć, što mihranty-musulmanie vielmi razdražniajuć našych słavianskich mihrantaŭ u Jeŭropie. I ty dumaješ: «Blin, ty taki ž samy mihrant, jak i hety mihrant-musulmanin. Davaj-ka supakojsia». Tamu nie pytaj, kali łaska, ci jość u biełarusaŭ voś heta štości tam…. Jość».
Hladzicie całkam:
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam8
Kamientary