Stendap-komik Idrak Mirzalizade zajaviŭ, što atrymaŭ niekalki tysiač pahroz u internecie, a taksama padvierhnuŭsia napadu ŭ centry Maskvy.
sntch.com
Jak paviedamiŭ jon u svaim instahramie, heta adbyłosia paśla taho, jak frahmient jaho sakavickaha vystupu ŭ humarystyčnaj prahramie «Razhony» raskrytykavali, vyrvaŭšy z kantekstu, telekanał «Carhrad» i žurnalist Uładzimir Sałaŭjoŭ. U im jon abmiarkoŭvaŭ temu ksienafobii i prablemy, ź jakimi sutykajucca ludzi niesłavianskaj źniešnaści pry zdymie žylla ŭ Maskvie, piša meduza.io.
«Infarmacyja była padadzienaja niekatorymi ŚMI tak, byccam ja rusafob i abražaju rasijski narod», napisaŭ komik. Ź jahonych słoŭ, jon sutyknuŭsia ź pieraśledam z boku radykalnych supolnaściaŭ, jakija sistematyčna zajmajucca ckavańniem zvyčajnych ludziej, «a ciapier pierajšli da taho, što płaciać hrošy za napady».
Mirzalizade taksama apublikavaŭ svajo novaje vystupleńnie na juciubie. U im jon raskazvaŭ, što za jaho hałavu była pryznačana ŭznaharoda ŭ pamiery 50 tysiač rasijskich rubloŭ (kala 700 dalaraŭ), a taksama prademanstravaŭ videazapis napadu.
***
Idrak Mirzalizade naradziŭsia ŭ Azierbajdžanie, ale vyras i vučyŭsia ŭ Minsku, u jaho biełaruskaje hramadzianstva. Jaho baćka Kachin Mirzalizade byŭ viadomy dziejač tałyšskaha ruchu.
Ciapier čytajuć
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA55
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny44
Kamientary