Va ŭzroście 76 hadoŭ pajšoŭ z žyćcia Džymi Bafiet — viadomy amierykanski muzyka, jaki zapomniŭsia svajoj tvorčaściu ŭ žanry kantry-rok. U tvitar-akaŭncie muzyki paviedamlajecca, što Bafiet «mirna pamior u noč na 1 vieraśnia ŭ atačeńni svajoj siamji, svaich sabak i muzyki», piša Radyjo Svaboda.
Bolš za ŭsio muzyka viadomy chitom Margaritaville, jaki vyjšaŭ u składzie alboma Changes in Latitudes u 1977 hodzie. Paśla Jaho zahavaryli pra tak zvanaje «ki-uestskaje» hučańnie — charakterny dla tvorčaści Bafieta muzyčny styl, jaki spałučaje elemienty kantry, pop-muzyki i roku (asabliva, tak zvanaha žanru trop-rok).
Paźniej u ZŠA navat źjaviŭsia termin parrothead («papuhajehałovyja») — tak stali zvać šmatlikich prychilnikaŭ Bafieta, jakija prytrymlivajucca marudlivaha «ki-uestskaha» (adsyłka da adnajmiennaha fłarydskaha kurortu) stylu žyćcia, jaki hučyć u jaho pieśniach.
Paźniej pad brendam Margaritaville Bafiet adkryŭ sieryju restaranaŭ, kram i kazino. Biźnies-impieryja Bafieta dazvoliła jamu stać adnym z najbahaciejšych muzykaŭ, čyjo bahaćcie pieravysiła adzin miljard dalaraŭ.
Ciapier čytajuć
Što viadoma pra zatrymanych radyjoamataraŭ, jakim pahražaje až da rasstrełu15
Kamientary