Kłod Ruis Pikasa, małodšy syn mastaka Pabła Pikasa, pamior u Šviejcaryi va ŭzroście 76 hadoŭ, paviedamiŭ u čaćvier jaho advakat.
Advakat Kłoda, Žan-Žak Najer, nie nazvaŭ pryčyny śmierci, piša The Guardian.
Kłod byŭ fatohrafam i kinarežysioram, jaki taksama kiravaŭ majontkam baćki z 1989 da lipienia hetaha hoda, kali jon pieradaŭ adkaznaść svajoj małodšaj siastry Pałomie.
Kłod amal hod prapracavaŭ asistentam znakamitaha fatohrafa Ryčarda Aviedona, a taksama fotažurnalistam Time Life, Vogue i amierykanskaha časopisa Saturday Review. U 2011 hodzie jon byŭ uznaharodžany najvyšejšaj uznaharodaj Francyi — ordenam Hanarovaha lehijona — za svaju pracu ŭ jakaści mastaka i pryznačanaha sudom kiraŭnika majomaściu svajho baćki.
U Pikasa było čaćviora dziaciej. Kłod i Pałoma byli jaho dziećmi ad francuzskaj mastački Fransuazy Žyło, jakaja pamierła ŭ červieni hetaha hoda va ŭzroście 101 hoda. Jaho starejšy syn Pavieł ad šlubu z artystkaj baleta Volhaj Chachłovaj pamior u 1975 hodzie. Maja, jaho dačka ad francuzskaj madeli Mary-Terezy Uołter, pamierła ŭ 2022 hodzie.
Pikasa pierapyniŭ kantakty z Kłodam i Pałomaj paśla taho, jak Žyło, jakaja była pieršaj žančynaj, jakaja kinuła jaho, napisała miemuary pra ich sumiesnaje žyćcio. Jon sprabavaŭ pieraškodzić publikacyi jaje knihi 1964 hoda pad nazvaj «Žyćcio ź Pikasa».
U 1970 hodzie 22-hadovy Kłod padaŭ u sud na Francyju, kab jaho pryznali zakonnym synam i, takim čynam, spadčyńnikam svajho baćki. Sud vynies rašeńnie na jaho i Pałomy karyść, i brat i siastra stali spadčyńnikami Pikasa praz hod paśla jaho śmierci ŭ 1973 hodzie.
Kali Pikasa pamior va ŭzroście 91 hoda ŭ 1973 hodzie, jon pakinuŭ paśla siabie bolš za 45 000 rabot, siarod jakich 1885 karcin, 1228 skulptur, 7089 malunkaŭ, 30 000 hraviur, 150 albomaŭ dla zamalovak i 3222 kieramičnyja vyraby. Jon taksama pakinuŭ miljony najaŭnymi. U cełym na toj momant majontak aceńvaŭsia ŭ 650 miljonaŭ funtaŭ sterlinhaŭ.
«My musili b arandavać Empajr Stejt Biłdynh, kab źmiaścić usie pracy», — kazaŭ Kłod, kali invientaryzacyja była zavieršana.
Pakolki Pikasa nie pakinuŭ zaviaščańnia, padzieł jaho majomaści zaniaŭ šeść hadoŭ i pryvioŭ da vialikich roznahałośsiaŭ u siamji. Urešcie było vyrašana, što pracy buduć padzieleny pamiž Kłodam, Pałomaj, Majaj i dvuma jaho ŭnukami, Marynaj i Biernaram Ruisam.
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary