MZS Polščy praviało sustreču z pradstaŭnikami arabskich krain nakont uciekačoŭ ź ich na terytoryi Biełarusi
Namieśnik kiraŭnika MZS Polščy Pavieł Jabłonski pravioŭ sustreču z pradstaŭnikami ambasad arabskich krain pa temie Biełarusi i mihracyjnaha kryzisu na miažy ź joj. Pra heta 29 žniŭnia paviedamiła vydańnie Portal Samorządowy sa spasyłkaj na polskaje MZS.
Asnoŭnymi temami abmierkavańnia staŭ udzieł «biełaruskaha režymu u sprobach destabilizavać Polšču i Jeŭrasajuz», a taksama kaardynacyja mier pa supraćdziejańniu padobnym pavodzinam z boku Biełarusi i Rasii.
«Biełaruski režym pryciahvaje da siabie hramadzian blizkaŭschodnich krain pad markaj płatnaha praniknieńnia ŭ krainy ES z metaj destabilizacyi abstanoŭki ŭ Polščy i Jeŭropie. Heta źjaŭlajecca častkaj hibrydnaj vajny Łukašenki, jakuju toj pravodzić u tym liku pry ŭdziele PVK «Vahnier». Heta nieabchodna spynić», — zajavili pradstaŭnikam arabskich krain u MZS Polščy.
Aproč hetaha, pradstaŭnik polskaha MZS Pavieł Jabłonski raskazaŭ, što ź mihrantami z arabskich krain u Polščy abychodziacca hodna i pa zakonach ES.
Dypłamat taksama adznačyŭ, što nieabchodna «vypracoŭka miechanizma pa infarmavańni Polščy z boku arabskich partnioraŭ nakont kožnych sprobaŭ Biełarusi i Rasii pryciahvać novych mihrantaŭ dla praniknieńnia ŭ ES».
Nahadajem, što praz pastajannyja sproby niezakonnaha pierasiačeńnia polska-biełaruskaj miažy i najaŭnaść u Biełarusi niekalkich tysiač najmitaŭ PVK «Vahnier» Polšča pačała istotna pavialičvać kolkaść svaich uzbrojenych sił pobač ź Biełaruśsiu i navat prapracoŭvaje płan poŭnaha zakryćcia miažy.
U dadatak da hetaha polskija ŭłady vykazali žadańnie raźmiaścić u siabie amierykanskuju jadziernuju zbroju ŭ adkaz na raźmiaščeńnie takoj ža ŭ Biełarusi z boku Rasii.
My nastojvajem na tym, kab pasažyrski ruch pamiž našymi krainami nie spyniaŭsia tak doŭha, nakolki heta mahčyma — Franak Viačorka
Jak vyhladaje ekanamičnaje supracoŭnictva Polščy ź Biełaruśsiu napiaredadni mahčymaha zakryćcia miežaŭ. Zdajecca, Polščy jość što hublać
U Polščy praanansavali miechanizmy ratavańnia biełarusaŭ ad represij u vypadku poŭnaha zakryćcia miažy
Ciapier čytajuć
U Minsku zaviaršyli budaŭnictva piacizorkavaha hatela na miescy kolišniaha «Biełekspa»9
U Minsku zaviaršyli budaŭnictva piacizorkavaha hatela na miescy kolišniaha «Biełekspa»
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1010
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»10
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary