Śviet2222

U Polščy adkazali Pucinu, jaki nazvaŭ jaje zachodnija terytoryi «padarunkam Stalina»

Akramia taho, premjer-ministr Polščy Matevuš Maraviecki zakranuŭ temu vahnieraŭcaŭ i nielehalnych mihrantaŭ ź Biełarusi.

Matevuš Maraviecki. Fota: Andreea Alexandru / AP

Biełaruś i Rasija chočuć destabilizavać nie tolki Polšču, ale i ŭvieś ES. Pra heta 13 žniŭnia ŭ intervju italjanskaj haziecie Corriere della Sera zajaviŭ premjer-ministr Polščy Matevuš Maraviecki.

Pa słovach premjer-ministra, tolki za hety niapoŭny hod było zafiksavana bolš za 16 tysiač sprob niezakonnaha pierasiačeńnia polskaj miažy z boku Biełarusi. 

Situacyja moža stać jašče bolš surjoznaj pry niepasrednym umiašańni PVK «Vahnier».

«Bolš za dva hady Biełaruś i Rasija sprabujuć atakavać uschodniuju miažu Polščy i destabilizavać uvieś Jeŭrasajuz. Tolki za hety hod kolkaść sprob niezakonnaha pierasiačeńnia miažy pieravysiła 16 tysiač. Plus da ŭsiaho isnuje pahroza ad vahnieraŭcaŭ, jakija mohuć zamaskiravacca pad biełaruskich pamiežnikaŭ, navučać mihrantaŭ abychodzić i napadać na našych sałdat, a taksama pasprabavać samim trapić u Polšču dla destabilizacyi našaj krainy», — raspavioŭ italjanskaj haziecie Matevuš Maraviecki.

Plus da ŭsiaho polski premjer-ministr adkazaŭ Uładzimiru Pucinu, jaki pačaŭ pahražać Polščy i nazyvać jaje zachodnija terytoryi «padarunkam Stalina», namiakajučy na ​​ich mahčymaje viartańnie Rasii.

«Mienavita Saviecki Sajuz razam z nacysckaj Hiermanijaj uvarvaŭsia ŭ našu krainu i zachapiŭ na toj momant uschodnija terytoryi Polščy. Potym u Jałcie toj ža SSSR i budučyja dziaržavy-pieramožcy damovilisia, što Polšča atrymaje svaju častku niamieckich terytoryj ad Hiermanii ŭ jakaści kampiensacyi za prysvajeńnie Stalinam uschodniaj častki Polščy. 

Heta nie padarunak ad kaho-niebudź, my nie majem nijakich terytaryjalnych pretenzij da svaich susiedziaŭ ci ich ziemlaŭ. Heta histaryčnaja praŭda, jakaja macniejšaja za rasijskuju prapahandu», — adznačyŭ Maraviecki.

Nahadajem, što praz pastajannyja sproby niezakonnaha pierasiačeńnia polska-biełaruskaj miažy i najaŭnaść u Biełarusi niekalkich tysiač najmitaŭ PVK «Vahnier» Polšča pačała istotna pavialičvać kolkaść svaich uzbrojenych sił pobač ź Biełaruśsiu i navat prapracoŭvaje płan poŭnaha zakryćcia miažy.

U dadatak da hetaha polskija ŭłady vykazali žadańnie raźmiaścić u siabie amierykanskuju jadziernuju zbroju ŭ adkaz na raźmiaščeńnie takoj ža ŭ Biełarusi z boku Rasii.

Kamientary22

  • Aby chto
    13.08.2023
    Jak tady nazvać Smalensk? Padarunak Žyłunoviča?
  • Mikoła)))
    13.08.2023
    I što dobraha ŭ tym, što jon skazaŭ. Polšča straciła terytoryi, jakija joj nie naležali, a byli padoranyja balšavickim režymam Lenina ŭ 1920 h. I naadvarot, atrymała terytoryi z aniamiečanym polskim nasielnictvam. A pra Pucina i jaho režym u Biełarusi treba kazać bolš vostra. Što sunieciesia siudy, hibrydna-niehibrydna, atrymajecie. Žorstka i chutka.
  • Kruk
    13.08.2023
    Spadar nia choča pryznać fakt zachopu biełaruskich terytoryjaŭ u zmovie z balšavickaj Rasiejaj. Jon nachabna nazyvaje ich Uschodniaj polskaj terytoryjaj... Etničnyja biełaruskija terytoryi tak i nie byli viernutyja ŭ skład Biełarusi całkam,pa vynikach DSV. Palaki ŭ chaŭrusie z balšavikami prosta źniščyli niekali abviaściŭšuju niezaležnaść Biełaruś, raździarbaniŭšy jaje na kavałki, razarvaŭšy adzinstva nacyi. Ciapier hety palak cynična zajaŭlaje, što ŭ vyniku DSV Polšča straciła ŭschodnija polskija terytoryi ! A jon nie zvarjacieŭ časam ? Jasnaja sprava - Pucin. Tam nia varta j čakać na racyjanalnaść, ćviarozaść i rozum, a čym ułasna adroźniŭ siabie ad Pucina hety palak, u svajoj pramovie? Ničym ! Aboje raboje, jakimi byli, takimi j zastalisia... Niezakonna, naplavaŭšy na biełaruski narod, adchapili kavałak niezaležnaj dziaržavy ŭ 1921-m., a ciapier, zamiest vybačeńniaŭ, praciahvajuć nazyvać stračanaj polskaj terytoryjaj ! Što maskal, što palak, - všystko jedno !

«Piensijanieram dzieci pieraškadžajuć!» U Breście nie pieršy miesiac iduć sprečki nakont miesca dla budaŭnictva dziciačaha sada5

«Piensijanieram dzieci pieraškadžajuć!» U Breście nie pieršy miesiac iduć sprečki nakont miesca dla budaŭnictva dziciačaha sada

Usie naviny →
Usie naviny

U Biełarusi zarehistravali novy vid ptušak2

Va Uruččy vysiekuć skvier pad pravasłaŭnuju carkvu. Natchnialisia rańniechryścijanskaj architekturaj Ryma22

Tramp admianiŭ sustreču z Pucinym u Budapiešcie1

ZŠA abviaścili pra sankcyi suprać «Rasnafty» i «Łukojła»8

Na vajnie z Ukrainaj zahinuŭ syn byłoha milicejskaha načalnika ź Viciebska23

ZŠA źniali klučavoje abmiežavańnie na ŭdary dalnabojnymi rakietami pa Rasii — WSJ5

Vybuch adbyŭsia na abaronnym zavodzie ŭ Čalabinskaj vobłaści. Jość achviary6

Jak Fiadynič adkryŭ aŭtobus Statkieviču na miažy i jak Viniarski taksama vyjšaŭ, kab zastacca ŭ Biełarusi. Novyja padrabiaznaści3

Hienieralny sakratar NATA padtrymaŭ ideju Trampa spynić vajnu va Ukrainie pa linii frontu

bolš čytanych navin
bolš łajkanych navin

«Piensijanieram dzieci pieraškadžajuć!» U Breście nie pieršy miesiac iduć sprečki nakont miesca dla budaŭnictva dziciačaha sada5

«Piensijanieram dzieci pieraškadžajuć!» U Breście nie pieršy miesiac iduć sprečki nakont miesca dla budaŭnictva dziciačaha sada

Hałoŭnaje
Usie naviny →

Zaŭvaha:

 

 

 

 

Zakryć Paviedamić