Zachodnija raźviedki miarkujuć, što samalot Pryhožyna ŭpaŭ paśla vybuchu na borcie — miedyja
The New York Times i Associated Press sa spasyłkaj na daśviedčanych surazmoŭcaŭ pišuć, što zachodnija raźviedki ličać najbolš imaviernaj pryčynaj krušeńnia samalota z kiraŭnikom PVK «Vahnier» vybuch na borcie. Pra heta havorycca ŭ ich materyjałach ad 24 žniŭnia, piša «Jeŭrapiejskaja praŭda».
Ad «amierykanskich i inšych zachodnich čynoŭnikaŭ» žurnalisty NYT daviedalisia, što, zhodna z papiarednimi danymi raźviedki, mahčymaj pryčynaj hibieli samalota z kiraŭnictvam «Vahniera» ličać vybuch na borcie.
Kančatkovych vysnoŭ jašče niama, adnak vybuch nazyvajuć «asnoŭnaj teoryjaj». Miarkujuć, što vyklikać jaho mahła bomba abo inšaja pryłada na borcie, choć nie adprečvajuć i inšych varyjantaŭ, takich, jak niajakasnaje paliva.
Spadarožniki, jakimi karystajucca ZŠA dla zboru źviestak, nie zafiksavali pusku rakiety, i niama inšych dokazaŭ taho, što samalot źbiła rakieta «ziamla — pavietra».
Amierykanskija surazmoŭcy NYT kažuć, što amierykanskaja raźviedka jašče nie paćvierdziła fakta hibieli Pryhožyna, choć mnohija čynoŭniki ličać heta mahčymym. I amierykanskija, i jeŭrapiejskija surazmoŭcy žurnalistaŭ miarkujuć, što samalot tym ci inšym sposabam źniščyli na zahad prezidenta Rasii Uładzimira Pucina.
Associated Press sa spasyłkaj na amierykanskich i jeŭrapiejskich čynoŭnikaŭ taksama piša pra vybuch u jakaści asnoŭnaj viersii. Ich surazmoŭcy nie ŭdavalisia ŭ detali zdahadak, što mahło vyklikać vybuch.
Raniej ahienctva Reuters sa spasyłkaj na dvuch amierykanskich čynoŭnikaŭ paviedamiła, što ŭ ZŠA schilajucca da viersii z rakietaj, choć heta papiarednija zdahadki.
Jak viadoma, u sieradu ŭviečary rasijskija ŚMI i Rasavijacyja paviedamili, što ŭ Ćviarskoj vobłaści raźbiŭsia samalot, siarod pasažyraŭ jakoha byŭ zarehistravany zasnavalnik PVK «Vahnier» Jaŭhien Pryhožyn i jahony namieśnik Dźmitryj Vahnier Utkin, čyj pazyŭny daŭ nazvu hrupoŭcy.
«Čałaviek składanaha losu, i pamyłki ŭ jaho byli surjoznyja ŭ žyćci». Pucin vykazaŭ šmatsłoŭnyja spačuvańni siamji Pryhožyna
Na miescy padzieńnia pryhožynskaha «Embrajera» znajšli zbroju
Źjaviłasia jašče adna viersija vybuchu ŭ samalocie Pryhožyna
Raniej «na ich dračyli», a «ciapier našy SSA abkłali hety łahier z usich bakoŭ». Biełaruskija aficery raskazali pra apošnija naviny vakoł «Vahniera»
Cieły zahinułych u avijakatastrofie biznes-džeta Pryhožyna nielha apaznać
Ciapier čytajuć
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia2
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary