U Estonii sprabujuć zakanadaŭča zabaranić hramadzianam Rasii i Biełarusi ŭdzielničać u miascovych vybarach
Ministerstva justycyi Estonii padrychtavała zakonaprajekt ab abmiežavańni prava žycharoŭ krainy z rasijskim i biełaruskim hramadzianstvam na ŭdzieł u miascovych vybarach. U najbližejšy čas ministr justycyi pradstavić jaho partnioram pa kaalicyi i hramadskaści, paviedamlaje ERR.
U prajekcie zakona ministerstva adznačaje, što Estonija nie ŭ stanie zabiaśpiečyć svabodu hramadzian Rasii ad upłyvu krainy ich hramadzianstva.
Z dapamohaj hetaha zakonaprajekta ŭ zakon ab vybarach budzie ŭniesiena papraŭka, zhodna ź jakoj inšaziemiec, jaki źjaŭlajecca hramadzianinam zamiežnaj dziaržavy, pryznanaj Jeŭrapiejskim parłamientam abo Ryjhikohu (estonski parłamient) krainaj-ahresaram, nie moža ŭdzielničać u hałasavańni.
Meta zakanadaŭčych źmien — časovaje abmiežavańnie vybarčych pravoŭ hramadzian Rasii, jakija žyvuć u Estonii, na vybarach u orhany miascovaha samakiravańnia. Heta ž pałažeńnie zakranie i hramadzian Biełarusi.
Adznačajecca, što hety zakonaprajekt moža supiarečyć Kanstytucyi Estonii, a taksama pałažeńniam Jeŭrapiejskaha sajuza, u suviazi z čym ministr justycyi Estonii Kale Łaanet pryznaŭ, što šerah sprečnych pytańniaŭ, mahčyma, treba budzie kančatkova raźviazvać Dziaržaŭnamu sudu. Adnak zakonaprajekt zasnavany na adnym z rašeńniaŭ Kalehii Dziaržsuda pa kryminalnych spravach, u jakim siarod inšaha havaryłasia, što asnoŭnyja pravy «mohuć być abmiežavanyja ŭ paradku vyklučeńnia dla abarony inšaha asnoŭnaha prava abo kanstytucyjnych kaštoŭnaściaŭ».
Nastupnyja municypalnyja vybary projduć u Estonii ŭ kastryčniku 2025 hoda.
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii37
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4545
Kamientary
O, da! :) Toržiestvo diemokratii tut. Nu da choť mienty nie sorvavšijesia s ciepi i potieriavšije bierieha ot bieznakazonnosti, kak v Biełoruśsii. A vaŝie dieliť ludiej na sorta - eto bałtskaja tiema, čio)