Kali Łatvija i Litva dumajuć vysyłać hramadzian Biełarusi i Rasii, jakich pazbavili dazvołu na žycharstva, to Estonija takich strohich mier prymać nie źbirajecca, paviedamlaje RusERR.
«My nie abmiarkoŭvali hetuju prapanovu ŭ śviatle taho, kab rabić niejkija ankiety. Nasamreč heta nie daje realnaj karciny tych ludziej, jakija mohuć ujaŭlać niebiaśpieku. Hetyja ludzi vielmi dobra ŭmiejuć chłusić i adkazvać tak, jak my chočam pačuć ci ŭbačyć u ankiecie», — skazaŭ ministr unutranych spraŭ Łaŭry Laeniemiets.
Estonija taksama nie płanuje nijakich źmien u patrabavańniach da viedaŭ movy. Prarasijskich asob, jakija ŭjaŭlajuć niebiaśpieku, budzie znachodzić Palicyja biaśpieki, padkreśliŭ kiraŭnik MUS.
U toj ža čas člen Ryjhikohu, były ministr zamiežnych spraŭ Urmas Rejnsału skazaŭ, što zamiežnikaŭ u Estonii taksama možna pytacca pra ich nastroi: «Heta całkam racyjanalna rabić i ŭ Estonii. Heta pytańnie fundamientalnaha myśleńnia ludziej i mocnych bazavych kaštoŭnaściaŭ. Ludzi majuć prava na svajo mierkavańnie, ale pytańnie ŭ tym, ci apraŭdany taki pryvilej, jak dazvoł na žycharstva ŭ Estonii, u vypadku z kožnym mierkavańniem i staŭleńniem».
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju1010
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju10
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary