Rasija pačała prymianiać «Šachiedy» ŭłasnaj vytvorčaści — daśledčyki
Madeli dronaŭ iranskaj i rasijskaj vytvorčaści nazyvajucca adnolkava, ale rasijskaja viersija maje sproščanuju kanstrukcyju.
U lipieni daśledčyki Conflict Armament Research (CAR) zadakumientavali pareštki dvuch bieśpiłotnikaŭ «Hierań-2», jakija rasijskija vojski vykarystali va Ukrainie. Paśla analizu ich kanstrukcyjnych charaktarystyk i klučavych kampanientaŭ u CAR pryjšli da vysnovy, što Rasija prystupiła da vytvorčaści i ŭkaranieńnia ŭłasnaj ajčynnaj viersii iranskich dronaŭ-kamikadze Shahed-136.
U dronach bolšaść kampanientaŭ — zamiežnaj vytvorčaści. Ich vypuścili kampanii, čyje hałoŭnyja ofisy znachodziacca ŭ Kitai, ZŠA, Šviecyi. 12 kampanientaŭ vypuščana paśla pačatku poŭnamaštabnaj ahresii Rasii va Ukrainie.
«Šachiedy» rasijskaja armija vykarystoŭvaje ŭ vajnie ź vieraśnia 2022-ha.
Madel dronaŭ iranskaj i rasijskaj vytvorčaści nazyvajecca adnolkava — «Hierań-2». Ale rasijskaja viersija praściejšaja pa kanstrukcyi, adznačajuć daśledčyki. U joj vykarystany, naprykład, rasijski modul navihacyi «Kamieta».
«Rasijskaja Fiederacyja, vierahodna, zmoža chutka vyrabić bolš bieśpiłotnikaŭ «Hierań-2» dla padtrymańnia svajoj kampanii va Ukrainie», — prychodziać da vysnoŭ daśledčyki.
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR4
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary