Мадэлі дронаў іранскай і расійскай вытворчасці называюцца аднолькава, але расійская версія мае спрошчаную канструкцыю.
У ліпені даследчыкі Conflict Armament Research (CAR) задакументавалі парэшткі двух беспілотнікаў «Герань-2», якія расійскія войскі выкарысталі ва Украіне. Пасля аналізу іх канструкцыйных характарыстык і ключавых кампанентаў у CAR прыйшлі да высновы, што Расія прыступіла да вытворчасці і ўкаранення ўласнай айчыннай версіі іранскіх дронаў-камікадзэ Shahed-136.
У дронах большасць кампанентаў — замежнай вытворчасці. Іх выпусцілі кампаніі, чые галоўныя офісы знаходзяцца ў Кітаі, ЗША, Швецыі. 12 кампанентаў выпушчана пасля пачатку поўнамаштабнай агрэсіі Расіі ва Украіне.
«Шахеды» расійская армія выкарыстоўвае ў вайне з верасня 2022-га.
Мадэль дронаў іранскай і расійскай вытворчасці называецца аднолькава — «Герань-2». Але расійская версія прасцейшая па канструкцыі, адзначаюць даследчыкі. У ёй выкарыстаны, напрыклад, расійскі модуль навігацыі «Камета».
«Расійская Федэрацыя, верагодна, зможа хутка вырабіць больш беспілотнікаў «Герань-2» для падтрымання сваёй кампаніі ва Украіне», — прыходзяць да высноў даследчыкі.
Каментары