Biełaruskaja internet-kniharnia ŭ ZŠA «Litarka» rada paviedamić ab mahčymaści nabyć knihi na biełaruskaj movie ŭ kniharni Hudson Valley Books for Humanity, raźmieščanaj pa adrasie 67 Central Ave, Ossining NY.

U dadatak da mahčymaści zamović knihi praź internet-kramu www.litarka.com biełaruskija knihi možna niaśpiešna pahartać, siedziačy va ŭtulnym fateli ŭ kniharni Hudson Valley Books for Humanity. Kniharnia znachodzicca ŭ histaryčnym centry haradka Asininh, u jakim štohod ładzicca biełaruskaje śviata hukańnia viasny. Haradok znachodzicca na bierazie Hudzona na šlachu da papularnaha prahułačnaha maršruta Breakneck Ridge i Kratonskaj Damby. Da jaho viadzie ad vakzału Grand Central samaja malaŭničaja vietka elektryčki Metro North — Hudson Line.
Hetaja kniharnia źjaŭlajecca adzinym punktam, dzie možna pahladzieć i nabyć papiarovyja biełaruskija knihi ŭ Ńju-Jorkskaj ahłamieracyi. Ciapier u kniharni možna nabyć tvory Andrusia Horvata, Uładzimira Arłova i Andreja Skurko.
Hudson Valley Books for Humanity razam ź internet-kniharniaj Litarka zaprašajuć usich naviedać kniharniu i zanurycca ŭ pryhažość biełaruskaj movy.
-
«Ludzi na bałocie», «Dźvie dušy», «Łahodny cmok». U Ofisie Cichanoŭskaj nazvali lubimyja knihi, filmy, tradycyi
-
Mužčyna vyjhraŭ pracu Pikasa koštam 1 miljon jeŭra ŭ dabračynnaj łatarei, kupiŭšy łatarejny bilet za 100 jeŭra
-
Na Knižnym kirmašy ŭ Biełastoku budzie pracavać sałon niezaležnych biełaruskich vydaviectvaŭ
Kamientary