Prezident Ukrainy kaža, što Pucin razumieje tolki siłu. Jaho śmiełaść hruntujecca na zbroi, jakuju jon maje, i na miljonach ludziej, jakich možna kidać na vajnu.
Prezident Ukrainy zajaviŭ, što va Uładzimira Pucina ruki pa łokać u kryvi i što prezident krainy ahresara vyrašyŭ zabivać ukraincaŭ praz toje, što jany nie zhodnyja ź jahonaj fašysckaj ideałohijaj. Pra heta Uładzimir Zialenski zajaviŭ afrykanskim žurnalistam, piša «Ukrainskaja praŭda».
«Jon [Pucin] vyrašyŭ usich nas zabić. Chto nie zhodny z absalutna fašysckaj ideałohijaj prezidenta Pucina», — skazaŭ Zialenski.
Pa słovach prezidenta, ukraincy zmahajucca za prava być ludźmi, zatoje chvaravitaje žadańnie Pucina — prapanavać rabskaje isnavańnie, ale jon nie razumieje, što heta niemahčyma.
Zialenski dadaŭ, što Pucin razumieje tolki siłu. Śmiełaść ahresara hruntujecca na zbroi, jakuju jon maje, i na miljonach ludziej, jakich možna kidać na vajnu.
«A kali jość miljony ludziej, jakich treba zachavać, to ty pa-inšamu stavišsia da vajny. Ty nie hatovy pačynać jakija-niebudź vajennyja dziejańni», — adznačyŭ jon.
Taksama Zialenski raspavioŭ, što spačatku Pucin, kali jahonyja vojski padyšli da Kijeva, razmaŭlaŭ ultymatumami. Ale ŭkrainski bok pakazaŭ, što mova ŭltymatumaŭ nie projdzie.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ30
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1313
Kamientary