Прэзідэнт Украіны кажа, што Пуцін разумее толькі сілу. Яго смеласць грунтуецца на зброі, якую ён мае, і на мільёнах людзей, якіх можна кідаць на вайну.
Прэзідэнт Украіны заявіў, што ва Уладзіміра Пуціна рукі па локаць у крыві і што прэзідэнт краіны агрэсара вырашыў забіваць украінцаў праз тое, што яны не згодныя з ягонай фашысцкай ідэалогіяй. Пра гэта Уладзімір Зяленскі заявіў афрыканскім журналістам, піша «Украінская праўда».
«Ён [Пуцін] вырашыў усіх нас забіць. Хто не згодны з абсалютна фашысцкай ідэалогіяй прэзідэнта Пуціна», — сказаў Зяленскі.
Па словах прэзідэнта, украінцы змагаюцца за права быць людзьмі, затое хваравітае жаданне Пуціна — прапанаваць рабскае існаванне, але ён не разумее, што гэта немагчыма.
Зяленскі дадаў, што Пуцін разумее толькі сілу. Смеласць агрэсара грунтуецца на зброі, якую ён мае, і на мільёнах людзей, якіх можна кідаць на вайну.
«А калі ёсць мільёны людзей, якіх трэба захаваць, то ты па-іншаму ставішся да вайны. Ты не гатовы пачынаць якія-небудзь ваенныя дзеянні», — адзначыў ён.
Таксама Зяленскі распавёў, што спачатку Пуцін, калі ягоныя войскі падышлі да Кіева, размаўляў ультыматумамі. Але ўкраінскі бок паказаў, што мова ўльтыматумаў не пройдзе.
Цяпер чытаюць
Мінчанка Ангеліна, якая прасіла ў Лукашэнкі кватэру за тройню, атрымала жыллё9
Мінчанка Ангеліна, якая прасіла ў Лукашэнкі кватэру за тройню, атрымала жыллё
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Каментары