Prodaž novych aŭtamabilaŭ u Biełarusi ŭ červieni vyras amal na čverć
Biełaruskaja aŭtamabilnaja asacyjacyja (BAA) apublikavała statystyku prodažu novych lehkavych aŭtamabilaŭ za červień i pieršaje paŭhodździe 2023 hoda.
U červieni 2023 hoda ŭ paraŭnańni z papiarednim miesiacam abjom prodažu novych lehkavych aŭtamabilaŭ vyras amal na čverć (na 24,3%) i skłaŭ 2051 adzinku. Pry hetym dola ŭ abjomach prodažu brenda Geely zastajecca na ŭzroŭni 79% na praciahu ŭsiaho druhoha kvartała.
U toj ža čas za pieršyja šeść miesiacaŭ 2023 hoda prodaž novych lehkavych aŭtamabilaŭ skłaŭ 8046 adzinak. Heta na 23,5% mienš za anałahičny pieryjad 2022 hoda.
U BAA adznačajuć, što ŭ apošnija miesiacy hetaha hoda nazirajecca stanoŭčaja tendencyja ŭ kolkaści madelaŭ i marak, što prapanoŭvajucca na rynku Biełarusi. Kali ŭ kancy vosieni 2022 hoda kolkaść madelaŭ na prodaž była mienšaja za 30, to na hety momant jana pieravyšaje 40, chacia ŭ červieni 2022 hoda ich było 60.
«U najbližejšy čas tendencyja źjaŭleńnia na rynku novych brendaŭ i madelaŭ zachavajecca, što, jak nastupstva, pašyryć dla spažyŭcoŭ hamu aŭtamabilaŭ na rynku», — prahnazuje BAA.
Ciapier čytajuć
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje88
Kamientary