«Biełdžy» nabiraje supracoŭnikaŭ i płanuje vypuskać aŭto pad ułasnym brendam
Z nazvaj brenda biełaruskich aŭto vyrašyli nie aryhinalničać.
Hienieralny dyrektar kampanii «Biełdžy» Hienadź Śvidzierski ŭ efiry STB raspavioŭ, što sioleta zavod naroščvaje abjomy vytvorčaści.
«Kali raniej pracavali 8 hadzin, to ciapier — 12. I biez vychadnych. Heta śviedčyć pra toje, što jość vialiki popyt jak na biełaruskim rynku, tak i na rasijskim», — prakamientavaŭ jon.
«Kali za ŭvieś minuły hod u Respublicy Biełaruś my pradali 4 300 aŭtamabilaŭ, to za piać miesiacaŭ biahučaha hoda — 5 700», — dadaŭ jon.
Pa słovach hiendyrektara, treba nabrać prykładna 250 rabočych, kab «zadavalniać toj popyt, jaki jość» na pradukcyju.
Ciapier na pradpryjemstvie pracuje kala 1400 čałaviek. Siaredni zarobak u mai byŭ kala 2000 rubloŭ.
Śvidzierski paviedamiŭ taksama, što «Biełdžy» płanuje vypuskać aŭto pad ułasnym brendam.
«Što takoje ŭłasny brend? My pašyrajem licenziju, heta ŭžo naša adkaznaść za detali aŭtamabila.
Spadziajusia, što ŭ druhim paŭhodździ ŭ nas užo budzie brend «Biełdžy», dzie my bolš aktyŭna zmožam ukaraniać łakalizavanyja kampanienty, skaračajučy terminy.
Ciapier u nas praviedzieny vyprabavańni «Biełšynaj» — paśpiachova, paśpiachova praviedzieny vyprabavańni akumulataraŭ. Tut jość šyby, užyvajem rasijskija, ale my ličymsia Sajuznaj dziaržavaj. Usio, za što nie płacim myta ŭnutry Sajuznaj dziaržavy, ličym ajčynnym. I śpis hety budziem pašyrać. Heta značyć, budzie nie tolki zvarka, afarboŭka, naša zborka, instalacyja, ale buduć jašče i kampanienty», — patłumačyŭ jon.
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary
druhoje...
što tam za ženski kułak sa šlubnym piarścionkam?