Si Czińpin asabista pieraściaroh Pucina ad prymianieńnia jadziernaj zbroi
Lidar KNR Si Czińpin pieraściaroh Uładzimira Pucina ad užyvańnia jadziernaj zbroi va Ukrainie padčas sakavickaha vizitu ŭ Maskvu, jak piša Financial Times sa spasyłkaj na zachodnich i kitajskich čynoŭnikaŭ. Paśla hetaha, sa słoŭ surazmoŭcaŭ haziety, kitajskija čynoŭniki stali nazyvać admovu Maskvy ad jadziernych pahroz svaim dasiahnieńniem. Heta dapamahaje Piekinu adnaŭlać stasunki ź Jeŭropaj, pierakazvaje publikacyju «Ahientstvo».
Niedapuščeńnie vykarystańnia jadziernaj zbroi Pucinym było asnoŭnaj častkaj kampanii Kitaja pa adnaŭleńni suviaziaŭ ź Jeŭropaj, jak skazaŭ FT staršy daradca kitajskaha ŭrada.
Jak adznačaje hazieta, Kitaj daŭno ŭ publičnych zajavach vystupaje suprać prymianieńnia jadziernaj zbroi. Adnak sajuźniki Ukrainy sumniavalisia ŭ ščyraści namieraŭ Piekina, uličvajučy abvieščanaje Pucinym i Si «siabroŭstva biez abmiežavańniaŭ» i mirny płan kitajskich uładaŭ, jaki častkova paŭtaraje tezisy Maskvy.
Pieraściaroha Si Pucinu ŭsialiła ŭ zachodnija krainy nadzieju na toje, što Kitaj prytrymlivajecca publičnaj rytoryki i za začynienymi dźviaryma. «Kitaj uziaŭ na siabie adkaznaść za adpraŭku paviedamleńnia na ŭsich uzroŭniach», — skazaŭ vysokapastaŭleny čynoŭnik administracyi ZŠA.
Blizkija da Kramla surazmoŭcy FT kažuć, što Pucin asabista vyrašyŭ, što taktyčnaja jadziernaja zbroja nie daść Rasii pieravahi. Ź ich słoŭ, jadzierny ŭdar, chutčej za ŭsio, pieratvoryć rajony, jakija Pucin choča dałučyć da Rasii, u apramienienyja pustki i mała što daść dla prasoŭvańnia rasijskaha vojska na froncie.
Niahledziačy na papiaredžańnie Si, Pucin u červieni paśla pačatku kontrnastupleńnia Ukrainy znoŭ zhadaŭ jadziernuju zbroju. Pry hetym jon adznačyŭ, što ŭ jaje ŭžyvańni niama sensu, tamu što rasijskaje vojska strymlivaje ŭkrainski nastup.
Hetaja zajava pakazała, što navat Kitaj, mahčyma, nie zmoža całkam strymać Pucina, jak ličyć Alaksandr Habujeŭ, dyrektar Bierlinskaha centra Karnehi pa vyvučeńni Rasii i Jeŭrazii.
«Jadziernaja zbroja — heta strachoŭka Pucina ad katastrafičnaha projhryšu ŭ hetaj vajnie», — adznačyŭ jon.
Pucin upieršyniu namiaknuŭ na mahčymaść prymianieńnia jadziernaj zbroi ŭžo praź niekalki dzion paśla ŭvarvańnia va Ukrainu, kali pryvioŭ u asablivy režym bajavoha dziažurstva siły stratehičnaha strymlivańnia.
U apošnija dni Maskva i Kijeŭ abvinavačvali adno adnaho ŭ padrychtoŭcy ŭdaru pa Zaparožskaj AES.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»24
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary