U MZS Rasii raskazali, kolki jadziernaja zbroja budzie znachodzicca ŭ Biełarusi
Damoŭlenaść ab znachodžańni rasijskaj taktyčnaj jadziernaj zbroi na terytoryi Biełarusi nie praduhledžvaje časavych ramak, pra heta zajaviŭ dyrektar departamienta krain SND MZS Rasii Alaksiej Pališčuk.
Pavodle jaho słoŭ, u takoj situacyi Maskva hipatetyčna moža viarnuć jadziernuju zbroju paśla taho, jak ZŠA i NATO admoviacca ad svajho kursu, skiravanaha na «padryŭ biaśpieki i suvierenitetu Rasii i Biełarusi».
«Zrazumieła, takomu našamu kroku pavinien papiaredničać poŭny vyvad usioj amierykanskaj jadziernaj zbroi na terytoryju ZŠA ź likvidacyjaj adpaviednaj infrastruktury ŭ Jeŭropie», — paviedamiŭ Pališčuk u intervju TASS.
Jon dadaŭ, što rašeńnie ab raźmiaščeńni rasijskaj jadziernaj zbroi na terytoryi Biełarusi maje šmat u čym vymušany charaktar i jość adkazam na «ahresiŭnuju palityku NATA». Pry hetym dziejańni Maskvy nie supiarečać mižnarodna-pravavym abaviazacielstvam Rasii, bo kantrol nad jadziernymi ŭzbrajeńniami zastajecca za Kramlom.
U piatnicu Pucin zajaviŭ, što pieršyja rasijskija taktyčnyja jadziernyja zarady ŭžo znachodziacca na terytoryi Biełarusi, a kančatkova ich pieramiaščeńnie maje zaviaršycca da kanca hoda.
«Absalutna biezadkazna». Džo Bajden adreahavaŭ na zajavu Pucina, što jadziernaja zbroja ŭžo ŭ Biełarusi
«Biełaruski Hajun» nie zaŭvažaŭ, kab u Biełaruś pieramiaščałasia jadziernaja zbroja
«Lubymi dastupnymi srodkami zabiaśpiečyć likvidacyju režymu Łukašenki». Łatuška zrabiŭ zajavu z nahody raźmiaščeńnia ŭ Biełarusi jadziernaj zbroi
Stołtenbierh pra raźmiaščeńnie jadziernaj zbroi ŭ Biełarusi: NATA bačyć padrychtoŭku
Tusk zajaviŭ pra hatoŭnaść adkryć Babroŭniki i Kuźnicu ź listapada59
Kamientary