«Lubymi dastupnymi srodkami zabiaśpiečyć likvidacyju režymu Łukašenki». Łatuška zrabiŭ zajavu z nahody raźmiaščeńnia ŭ Biełarusi jadziernaj zbroi
Namieśnik staršyni Abjadnanaha pierachodnaha kabinieta Biełarusi, kiraŭnik Nacyjanalnaha antykryzisnaha ŭpraŭleńnia Pavieł Łatuška zrabiŭ zajavu adnosna realizacyi namieraŭ Rasii raźmiaścić u Biełarusi arsienał taktyčnaj jadziernaj zbroi.
Łatuška padkreślivaje, što rašeńnie ab raźmiaščeńni jadziernaj zbroi na terytoryi Respubliki Biełaruś realizavana ŭ adpaviednaści z abnoŭlenaj vajennaj daktrynaj tak zvanaj Sajuznaj dziaržavy Rasii i Biełarusi, pryniataj 4 listapada 2021 hoda. Heta miera razhladajecca Rasijskaj Fiederacyjaj jak nieabchodnaja dla vyrašeńnia nastupnych zadač:
1. stvareńnie pramoj jadziernaj pahrozy ŭ pieršuju čarhu dla Ukrainy, Polščy i Litvy z terytoryi Biełarusi;
2. padrychtoŭka da ŭžyvańnia jadziernaj zbroi suprać Ukrainy;
3. zaviaršeńnie pracesu intehracyi Biełarusi ŭ Sajuznuju dziaržavu i zabieśpiačeńnie poŭnaha kantrolu Rasii nad Biełaruśsiu.
U suviazi z hetym Łatuška ličyć dla krain Zachadu krytyčna važnym:
1. Pryniać samyja žorstkija sankcyjnyja miery, jakija ŭklučajuć handlovaje embarha ŭ dačynieńni da režymu.
2. Lubymi dastupnymi srodkami zabiaśpiečyć likvidacyju režymu Łukašenki, poŭny vyvad rasijskich vojskaŭ z terytoryi Biełarusi, vychad Biełarusi z Sajuznaj dziaržavy, ADKB, SND i inšych rasijskich intehracyjnych prajektaŭ, a taksama dać adpaviednyja harantyi zachavańnia niezaležnaści i suvierenitetu Respubliki Biełaruś.
3. Akazać biełaruskim demsiłam, Abjadnanamu pierachodnamu kabinietu i dobraachvotnickim padraździaleńniam va Ukrainie ŭsiu nieabchodnuju padtrymku dla źmieny situacyi ŭ Biełarusi, zabieśpiačeńnia jaje vyzvaleńnia ad režymu Łukašenki i abarony ad rasijskich zachopnikaŭ dy nastupnaha praviadzieńnia demakratyčnych pieramien.
16 červienia prezident Rasii Uładzimir Pucin paviedamiŭ pra dastaŭku ŭ Biełaruś pieršych jadziernych zaradaŭ, zajaviŭšy pra metu pieranieści na našu terytoryju častku rasijskaha taktyčnaha jadziernaha arsienała da kanca 2023 hoda.
Stołtenbierh pra raźmiaščeńnie jadziernaj zbroi ŭ Biełarusi: NATA bačyć padrychtoŭku
Dziarždep pra jadziernuju zbroju RF u Biełarusi: Łukašenka addaje Kramlu ŭsio bolš kantrolu
«Nu što tut za prablema ŭzhadnić naniasieńnie niejkaha tam udaru?» Łukašenka raskazaŭ rasijskaj prapahandystcy pra jadziernuju zbroju
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ89
Kamientary