Łukašenkaŭski historyk vyjaviŭ Hubku Boba na płakacie sacyjalnaj rekłamy i aburyŭsia prapahandaj «piederastyi»
Padpałkoŭnik unutranych vojskaŭ u adstaŭcy Alaksandr Płavinski znajšoŭ u Minsku biełaruskamoŭnuju sacyjalnuju rekłamu i aburyŭsia Hubkam Bobam, jakoha jon zaličvaje da «piederastaŭ». Adnak ni Hubki Boba, ni «piederastaŭ» na płakacie niama, tam tolki try hieamietryčnyja fihury, piša «Lusterka».
Sacyjalnuju rekłamu z zaklikam zakryvać kran padčas čystki zuboŭ Płavinski ŭbačyŭ u padziemnym pierachodzie na płoščy Jakuba Kołasa.
Pavodle jaho słoŭ, tam visić čatyry adnolkavyja płakaty. «U žycharoŭ Minska chiba niama ŭ kvaterach ličylnikaŭ vady, i baćki nie kantralujuć jaje vykarystańnie i apłatu? Ale nie budziem zanadta prydzirlivymi da sacyjalnaj rekłamy», — napisaŭ padpałkoŭnik zapasu.
«Pieršaje, što kidajecca ŭ vočy, — try hiendarna niejtralnyja istoty z ZAMIEŽNAHA multfilma. U nas što, niama svaich mulciašnych piersanažaŭ dla takoj rekłamy? Niaŭžo chłopčyki i dziaŭčynki ŭ śviatle zachodnich pavievaŭ «ahulna eŭrapejskich kaštoŭnaściaŭ» u našaj krainie ŭžo stali nie ŭ pašanie? Ci heta tak «piłujuć» haradski biudžet dla rekłamy zamiežnych multfilmaŭ?» — zadajecca pytańniami Płavinski, vykarystoŭvajučy pa-biełarusku tolki vyraz «ahulna eŭrapejskich kaštoŭnaściej».
Jon pryznaŭ u kvadratnym aranžavym piersanažu Hubku Bobu hieroja multsieryjała telekanała Nickelodeon. U 2020 hodzie padčas miesiaca hiej-prajdu kanał raźmiaściŭ fota Hubki Boba — imavierna, sprabavaŭ pakazać, što jon prosta padtrymlivaje ŁHBT. Stvaralnik piersanaža Styvien Chilenbierh jašče ŭ 2005 hodzie raspavioŭ, što nie nadzialaŭ svaich piersanažaŭ jakoj-niebudź seksualnaściu i rasceńvaŭ ich jak aseksualnych hierojaŭ.
Ale Płavinski kateharyčny.
«Havoračy bolš zrazumiełaj dla starejšaha pakaleńnia movaj — jon piederast!
Darahija minčanie, «vinšuju» vas: u naš horad pad vyhladam sacyjalnaj «pracisnuli» rekłamu piederastyi! Niachaj vašy dzieci hladziać i vučacca ŭ mulciašnaha piederasta, jak treba ekanomić vadu!» — zaklučyŭ były vajskoviec.
Alaksandr Płavinski paśla vychadu na piensiju zaniaŭsia piśmieńnictvam i vydaŭ niekalki psieŭdahistaryčnych knih. Adna ź ich nazyvajecca «Kurapaty la vytokaŭ histaryčnaj siensacyi». Jana pryśviečanaja vykryćciu «mifa ab savieckich represijach». Taksama jon sumiesna z prarasijskaj aktyvistkaj Volhaj Bondaravaj «vykryvaŭ chłuśniu i manipulacyi Marzaluka (Ihar Marzaluk — deputat, doktar histaryčnych navuk. — Zaŭv. red.)» pra Kurapaty. Płavinski — čalec Kampartyi Biełarusi.
Kiraŭnik Dobrušskaha rajona vyratavaŭ chłopčyka, jaki tanuŭ u viry na Ipuci, dobraj paradaj
Chto stvaraje dzikija vokładki «Minskaj praŭdy»?
Ścirańnie pamiaci. Sajt «Priessboła» zabłakavali za archiŭnaje fota «niełajalnaha» futbalista
«A ci budzie stvorany resurs nakštałt Tut.by?» Što prapahandysty kažuć biełarusam na sustrečach i jakija pytańni im zadajuć ludzi
Ciapier čytajuć
Aryštavany viadomy nieŭrołah Rusłan Badamšyn. Jon byŭ na chatniaj chimii12
Kamientary