Kiraŭnik Dobrušskaha rajona vyratavaŭ chłopčyka, jaki tanuŭ u viry na Ipuci, dobraj paradaj
Pra niezvyčajny vypadak, jaki adbyŭsia 15 červienia, raspaviało miascovaje vydańnie, zaŭvažyŭ «Fłahštok».
Staršynia Dobrušskaha rajvykankama Alaksandr Horbač raspavioŭ «Dniaproŭcu», što z pačatkam siezona adpačynkaŭ, kanikułaŭ jon «ćviorda vyrašyŭ» štodnia abjazdžać rajon pa niesankcyjanavanych miescach dla adpačynku i kupańnia. I niedarma.
— Padčas adnaho z abjezdaŭ razam z kiroŭcam my ŭbačyli školnikaŭ, jakija ŭžo pačali kupacca. Spynilisia. Nie mahu skazać navat dakładna, dla čaho: ci to dla taho, kab usio prakantralavać, ci kab upeŭnicca, što ŭsio budzie dobra. I bačym, što adnaho z chłopčykaŭ pačało zakručvać u vir, — raskazvaje čynoŭnik.
— U nas na vačach pačaŭ apuskacca pad vadu i zachłynacca.
Chłapčuk pačaŭ kryčać i klikać na dapamohu. Imhnienna my pryniali rašeńnie, što treba ratavać dzicia. Univiersiteckija viedy tut ža ŭspłyli ŭ hałavie, my adrazu stali havaryć chłopčyku, što treba rabić, kab vyratavacca, — raskazaŭ Alaksandr.
«Školnik zrabiŭ usio, jak jamu skazali: rassłabiŭsia, loh na vadu, a kali ciačeńniem jaho «padniesła» bližej da bieraha, pačaŭ chapacca za kusty, jakija «ciahnucca» pa ŭsim bierazie. Tak jaho dastali z vady», — raspavioŭ staršynia vydańniu.
Pieršaje, što paraiŭ Alaksandr Horbač školniku, — supakoicca i nie panikavać.
— Ja bačyŭ, što jon užo nachapaŭsia vady i vielmi mocna napałochaŭsia. U vačach čytałasia panika, — adznačyŭ Alaksandr Horbač.
«Staršynia rajvykankama padrabiazna abmalavaŭ karcinu zdareńnia ŭ pramym sensie hetaha słova na listku papiery. A toje samaje miesca pakazaŭ vadziciel, ź jakim dapamahali školniku», — piša vydańnie.
«Dniaproviec» udakładniaje, što «Alaksandr Horbač atrymaŭ viedy i navyki pa vyratavańni tapielcaŭ u časie vučoby ŭ Homielskim dziaržaŭnym univiersitecie imia Francyska Skaryny na fakultecie fizičnaj kultury i sportu».
«Ciapier možna z upeŭnienaściu skazać, što ratavalnik — heta jašče adna prafiesija ŭ jaho skarboncy. Darečy, sam «vyratavalnik» nie ličyć svoj učynak hieraičnym. Jak vykazaŭsia Alaksandr Horbač, heta «prosta pracoŭnyja momanty», — piša vydańnie.
Ciapier čytajuć
Kaleha pamierłaha vykładčyka Ščukina: Jaho kinuła žonka ź dziećmi, pačałasia depresija. U vyniku zvolnili za prahuły7
Kamientary