Samy addaleny pab Brytanii prapanavaŭ biaspłatnaje piva tym, chto tudy dojdzie
Kab dabracca da paba The Old Forge, treba prajści pieššu bolš za 24 kiłamietry.
Ustanova The Old Forge, jakuju nazyvajuć samym addalenym pabam Vialikabrytanii, hetym letam zapuścić matyvacyjnuju akcyju dla amataraŭ piešych pachodaŭ.
Jak piša The Independent, z 1 lipienia turystaŭ, jakija dabiarucca da ŭstanovy, raźmieščanaj na paŭnočnym bierazie voziera Łoch-Nevis u Šatłandyi, buduć častavać biaspłatnym pivam pa prybyćci. Dla hetaha im treba budzie prajści 15 mil (24,1 km) pa šatłandskim nahorji.
Kab atrymać zapavietny pienny napoj, advažnym padarožnikam treba budzie vymavić słova Wiggle — akcyju arhanizavaŭ adnajmienny spartyŭny rytejler sumiesna ź miascovym mini-brovaram Knoydart Brewery u ramkach rekłamnaj kampanii ich novaha piva Trale. Hety 5,1-pracentny załaty el z cytrusavymi notkami budzie dastupny tolki ŭ pabie The Old Forge, jaki hetym letam znoŭ adčyniaje svaje dźviery dla haściej paśla maštabnaha ramontu.
U adny ruki možna budzie atrymać tolki dźvie plaški hetaha piva. Akcyja budzie dziejničać, pakul nie skončacca jaho zapasy.
Ciapier čytajuć
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary
lepš, uładalniki paba, vy da nas