Biežaniec z Ukrainy vyjhraŭ u bielhijskuju łatareju 500 tysiač jeŭra
Chłopiec nabyŭ skretč-kartu na zapraŭcy za piać jeŭra.
Ukrainiec, jaki vyjechaŭ u Bielhiju ŭ pačatku poŭnamaštabnaha ŭvarvańnia Rasii jak biežaniec, vyjhraŭ 500 tysiač jeŭra ŭ imhniennuju łatareju. Pra heta ŭ paniadziełak paviedamiła Nacyjanalnaja łatareja Bielhii ŭ pres-relizie, piša «Jeŭrapiejskaja praŭda».
Mužčyna-ŭkrainiec va ŭzroście ad 18 da 24 hadoŭ, jaki žyvie ŭ Brusielskim staličnym rehijonie, nabyŭ skretč-kartu na zapraŭcy 16 maja za piać jeŭra. Adzin z numaroŭ byŭ vyjhryšnym.
Pradstaŭnica bielhijskaj Nacyjanalnaj łatarei adznačyła, što z afarmleńniem dakumientaŭ na vyjhryš chłopcu dapamahli siabry.
«Jaho pačućci byli vielmi źmiašanymi. Jon vidavočna dumaŭ pra Ukrainu, a ŭ hety čas ciažka radavacca pry tym, što adbyvajecca ŭ tvajoj krainie. Ale ŭ toj ža čas, viadoma, jon byŭ vielmi rady svajoj pieramozie i, pierš za ŭsio, poŭny nadziei», — raspaviała pradstaŭnica łatarei Žoŭk Viermier.
Choć Nacyjanalnaja łatareja Bielhii tradycyjna nie raskryvaje infarmacyi pra asobu pieramožcy, Viermier adznačyła, što chłopiec ciapier pracuje ŭ krainie jak biežaniec, ale imkniecca jak maha chutčej viarnucca dadomu.
Vyjhryš chłopiec płanuje patracić na dapamohu Ukrainie, ale spačatku «choča arhanizavać viečarynu tut, u Bielhii, dla siamji i siabroŭ, jakija kłapacilisia pra jaho i dapamahli jamu intehravacca ŭ krainu».
Usiaho z pačatku poŭnamaštabnaha napadu Rasii na Ukrainu Bielhija pryniała jak minimum 65 tysiač ukrainskich biežancaŭ.
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ7
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary