Asudžanaha na 13 hadoŭ kałonii dyrektara Symbal.by i papularyzatara biełaruskaj kultury Paŭła Biełavusa pieraviali ŭ škłoŭskuju kałoniju № 17. Pra heta ŭ fejsbuku napisała jaho žonka.
«Kaža, što ŭsprymaje heta jak vandroŭku, ale krychu inšy farmat», — napisała jana.
Zaraz možna jamu dasyłać listy ŭ Škłoŭ z paznakaj «karancin»: Biełavus Pavieł Mikałajevič 1987 hoda naradžeńnia, 213004, h. Škłoŭ, vuł. 1-ja Zavodskaja, 8.
Paŭła Biełavusa zatrymali 15 listapada 2021 hoda i pieršapačatkova jamu davali administracyjnyja sutki, ale potym była zaviedziena kryminalnaja sprava.
Paŭłu było vystaŭlena abvinavačańnie adrazu pa niekalkich artykułach Kryminalnaha kodeksa:
— č. 1 art. 356 (zdrada dziaržavie);
— č. 1 art. 342 (arhanizacyja i padrychtoŭka dziejańniaŭ, jakija hruba parušajuć hramadski paradak);
— č. 3 art. 361 (zakliki da dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś);
— č. 1 art. 361-1 (kiraŭnictva ekstremisckim farmavańniem).
Sud nad Paŭłam Biełavusam pačaŭsia 20 lutaha 2023 hoda i doŭžyŭsia amal try miesiacy. Praces viała Žanna Brysina.
Pa artykule za zdradu dziaržavie jon atrymaŭ samy vialiki termin — 10 hadoŭ i štraf pamieram 500 bazavych vieličyń (18,5 tysiačy rubloŭ). Akramia taho, jaho pryznali vinavatym u arhanizacyi hrupavych dziejańniaŭ, što parušajuć hramadski paradak, i prysudzili za heta try hady kałonii. Za publičnyja zakliki da zachopu ŭłady — čatyry hady, za kiraŭnictva ekstremisckim farmiravańniem — čatyry hady pazbaŭleńnia voli.
Ahułam sud pryznačyŭ pakarańnie Paŭłu Biełavusu ŭ vyhladzie 13 hadoŭ pazbaŭleńnia voli.
Ciapier čytajuć
Minčuk źniaŭ rolik pra čarhu ŭ paliklinicy, dzie było bolš za 150 čałaviek. Za heta na jaho napisali zajavu ŭ milicyju10
Kamientary