Ahresiŭny babior try dni teraryzavaŭ žycharoŭ Hłušy na Babrujščynie. Ale jamu dali rady
Cełyja try dni zvyčajny babior trymaŭ u strachu žycharoŭ pasiołka Hłuša Babrujskaha rajona. Dzikaja žyviolina šypieła, kidałasia na prysutnych i nie pakidała ablubavanaha na ŭskrainie vioski miesca, piša miascovaje vydańnie Komkur.info sa spasyłkaj na pres-słužbu miascovaha lashasa.
Kab likvidavać niebiaśpieku i dla žycharoŭ, i dla samoj žyvioliny, laśničamu Ilji Dudalu pryjšłosia prymianić kiemlivaść:
«Heta byŭ małady babior, kiłahramaŭ pad 12. Chutčej za ŭsio, jon šukaŭ novaje miesca dla žytła, voś i zajšoŭ u nizinu na ŭskrainie pasiołka. Atrymałasia, što z adnaho boku — damy, z druhoha — daroha. Žyviolina spałochałasia i bajałasia vyjści. Tut jaho i pabačyli miascovyja žychary, ale nie zmahli prahnać.
Babry vielmi niebiaśpiečnyja, jany mohuć nanieści svaimi zubami surjoznyja rany. Tamu treba być aściarožnymi, nie pałochać i nie pravakavać ich.
Vyjazdžajučy na miesca, ja ŭziaŭ z saboj dziciačuju vannačku. Takim mietadam raniej łaviŭ husiej: pamiery husaka i babra padobnyja.
Nie hublajučy ni siekundy, padyšoŭ da babra i nakryŭ jaho vannačkaj. Potym paprasiŭ miascovych žycharoŭ prynieści list blachi i prasunuŭ pad niz, atrymałasia zakrytaja pastka.
Razam z ratavalnikami my akuratna pahruzili babra ŭ mašynu i vypuścili ŭ najbližejšaj rečcy».
Usia apieracyja, pa słovach vidavočcaŭ, zaniała 10 chvilin.
Ciapier čytajuć
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie22
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie2
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Kamientary