Paśla padzieńnia rasijskich samalotaŭ i viertalotaŭ na Branščynie ŭ Biełarusi ŭviali pavyšanuju bajavuju hatoŭnaść
U Biełarusi ŭviali bajavuju hatoŭnaść numar adzin (pavyšanuju) paśla taho, jak u subotu ŭ Branskaj vobłaści RF byli źbityja adrazu čatyry pavietranyja celi. Takuju infarmacyju, pavodle paviedamleńnia aficyjnych krynic, siońnia dałažyli Łukašenku, jaki ŭpieršyniu paśla 9 maja źjaviŭsia ŭ publičnaj prastory.
Łukašenka, pavodle paviedamleńniaŭ jaho pres-słužby, skazaŭ siłavikam:
«Troje sutak paśla padziej pobač z nami. Ja maju na ŭvazie ŭ Branskaj vobłaści, kali byli źbityja čatyry pavietranyja sudny.
My vymušanyja byli na heta reahavać. Z tych časoŭ my znachodzimsia ŭ bolš pavyšanaj hatoŭnaści — našy vojski».
Pavodle jaho, «ciapier abstanoŭka ŭ nas nie krytyčnaja. Ale, tym nie mienš, faktary naściarožvajuć».
Kamientary
Vo tady užo VSU dakładna u Biełaruś uvojduć kab vyzvalić ad chvorych terytoryju i biełaruski narod.