Hramadstva44

Što chvaluje biełaruskuju moładź i kolki ź ich chočuć zastavacca ŭ krainie

Biełaruski nacyjanalny moładzievy saviet RADA vyśvietliŭ, čym žyvie moładź unutry krainy. Kažuć, biełaruskija maładziony adaptujucca da kryzisnych źjavaŭ u krainie, ale žyć u joj usio roŭna žadajuć nie ŭsie.

Daśledavańnie RADY pad nazvaj «Cha-Cha, ja tut žyvu» pravodziłasia ŭ dva etapy — ź listapada 2019-ha pa sakavik 2020-ha hadoŭ (1073 respandenty) i ŭ lutym 2022-ha hoda (519 respandentaŭ). Pad uvahu daśledčykaŭ trapili biełarusy va ŭzroście ad 14 da 31 hoda — internet-karystalniki peŭnych vieb-sajtaŭ, jakim prapanoŭvali ŭdzieł u anłajn-apytańni.

Pierš za ŭsio, daśledčyki adznačajuć, što biełaruskuju moładź pa-raniejšamu cikaviać prablemy dakryzisnaha pieryjadu: atrymańnie dobraj adukacyi, pracaŭładkavańnie i pavyšeńnie ŭzroŭniu žyćcia. Stali bolš aktualnymi pytańni źniešniaj mabilnaści i najaŭnaści miescaŭ, dzie moładź moža bavić volny čas, a taksama biaśpieki žyćcia ŭ krainie.

Pa vynikach bačna, što biełaruskaja moładź zbolšaha adaptujecca da situacyi ŭ krainie, ale pry hetym vialikaja dola maładych biełarusaŭ žadajuć źjechać. Pa vynikach apytańnia ŭ lutym 2022 hoda tolki tracina respandentaŭ dakładna nie płanavała emihracyju i nie mieła takoha žadańnia. Paśla pačatku šyrokamaštabnaj vajny va Ukrainie, napeŭna, žadajučych emihravać stała jašče bolej.

Samyja papularnyja pryčyny zapłanavać pierajezd — žadańnie atrymać bolš prybytku i pierśpiektyŭ, a taksama adčuvańnie niebiaśpieki ŭ Biełarusi.

Jašče adna jarkaja rysa: u paraŭnańni z 2020 hodam cikavaść biełaruskaj moładzi da palityčnaj i hramadskaj dziejnaści źniziłasia bolš čym u dva razy. Pavodle vynikaŭ ankietavańnia, ciapier maładyja biełarusy bolš prajaŭlajuć siabie ŭ adukacyi i sporcie, a taksama pryśviačajuć siabie siamji i domu.

Novamu pakaleńniu biełarusaŭ ciažka być inicyjatyŭnymi nie tolki ŭ hramadskich spravach i palitycy, ale jašče i ŭ śfierach biznesu, samaadukacyi, kulturnaha raźvićcia i rekreacyi, chacia, pavodle vynikaŭ daśledavańnia, taki zapyt u ich jość. Za pieryjad pamiž pieršym i druhim ankietavańniami ŭ moładzi bolš čym u dva razy źniziłasia zacikaŭlenaść u padarožžach. Heta možna tłumačyć upłyvam pandemii, jakaja ŭskładniła pieramiaščeńnie va ŭsim śviecie, a taksama palityčnaj situacyjaj u Biełarusi, jakaja ŭpłyvaje na składanaści z atrymańniem viz i z pramymi aviapieralotami ŭ tuju ci inšuju krainu.

Za čas pamiž pieršym i druhim apytańniami źniziłasia dola maładych biełarusaŭ, jakija znajomyja ź dziejnaściu arhanizacyj hramadzianskaj supolnaści. U 2022 hodzie tracina respandentaŭ uvohule nie zmahła nazvać takija arhanizacyi, tyja ž, chto zdoleŭ niešta zhadać, čaściej za ŭsio nazyvali prafsajuzy, BRSM, spartovyja i relihijnyja arhanizacyi. U respandentaŭ nievialiki dośvied vykarystańnia mahčymaściaŭ hramadzianskich arhanizacyj i amal nulavy ŭzrovień udziełu ŭ ich. Siarod pryčyn, jakija nie dajuć biełaruskaj moładzi ŭdzielničać u hramadskim žyćci, udzielniki apytańnia nazvali pierš za ŭsio niedachop času, ekanamičnyja prablemy i faktar niaviedańnia taho, jakim čynam možna siabie prajavić u hramadskim žyćci.

RADA taksama adznačaje važnaść psichałahičnaj dapamohi i padtrymki dla tych moładzievych hramadskich aktyvistaŭ, jakija ŭsio jašče pracujuć unutry Biełarusi. Moładzievyja arhanizacyi musiać admaŭlacca ad publičnaści i šukać inšyja sposaby arhanizacyi svajoj dziejnaści, abapirajučysia pry hetym na indyvidualny adbor, uzajemny davier i ŭvahu da biaśpieki. 

«Naša Niva» — bastyjon biełaruščyny

PADTRYMAĆ

BRSM zapuściŭ fłešmob z prasłaŭleńniem čyrvona-zialonaj simvoliki. Moładź umiašałasia — i fłešmob pajšoŭ nie tudy

Bieźlimitnyja: dla pakaleńnia 20-hadovych nie prablema, kali ścirajucca miežy miž pracaj i asabistym žyćciom

Maładyja ludzi pačali bolš vieryć u «najvyšejšyja siły»

Kamientary4

  • Barašak
    12.05.2023
    Statak padros i hatovy blejać va ŭnison.
  • Wunderwaffe
    12.05.2023
    Pravilno, v oprosach aktivnosť śniziłaś. Kto znajet, kto potom dannyje obrabatyvať budiet i potom po śpiskam chodiť.
  • FimaŠac
    12.05.2023
    [Red. vydalena]

Ciapier čytajuć

Izrailski avijaŭdar pierarvaŭ efir dziaržteleradyjo Irana. Štab-kvatera TB źniščanaja VIDEA25

Izrailski avijaŭdar pierarvaŭ efir dziaržteleradyjo Irana. Štab-kvatera TB źniščanaja VIDEA

Usie naviny →
Usie naviny

Pjany vaśmikłaśnik u Homieli ŭ handlovym centry biŭ nahami supracoŭnikaŭ milicyi11

Aŭtamabil pad Minskam sutyknuŭsia adrazu z tryma łasiami1

Ad zaŭtra znoŭ pačnie chaładać2

Kala Śbier banka ŭ Minsku adkryvajuć pomnik kačcy

Na kanfierencyi Reshape 2025 aburylisia «tysiačami kanfierencyj», abvinavacili Cichanoŭskuju ŭ dyktatury i acanili vyniki 5 hadoŭ u emihracyi28

«Toje, što Izrail zrabiŭ ź Iranam, — heta toje, što Rasija chacieła zrabić z Ukrainaj»18

Žančyna złaviła na Prypiaci hihanckaha taŭstałobika. Jaho vaha — kala 60 kh2

Dziaŭčyncy z Polščy, achviaravać hrošy jakoj zaklikaŭ biełarus, sabrali patrebnuju sumu1

Piać faktaŭ pra novaha pres-sakratara MZS, jaki chamavataściu kosić pad Maryju Zacharavu10

bolš čytanych navin
bolš łajkanych navin

Izrailski avijaŭdar pierarvaŭ efir dziaržteleradyjo Irana. Štab-kvatera TB źniščanaja VIDEA25

Izrailski avijaŭdar pierarvaŭ efir dziaržteleradyjo Irana. Štab-kvatera TB źniščanaja VIDEA

Hałoŭnaje
Usie naviny →

Zaŭvaha:

 

 

 

 

Zakryć Paviedamić