BRSM zapuściŭ fłešmob z prasłaŭleńniem čyrvona-zialonaj simvoliki. Moładź umiašałasia — i fłešmob pajšoŭ nie tudy
BRSM, jaki isnuje dla imitacyi padtrymki režymu Łukašenki moładździu, dniami zapuściŭ fłešmob u sacsietkach pad tehami #hanarusiarodnymisimvałami, #mojściah, #znajusvojfłah, #rodnajerodnaje. Jany prapanujuć razmaloŭvać tvar u kolery čyrvona-zialonaha ściaha. Ale što z hetaha atrymałasia?
«Prapanujem vam pačynać svoj dzień ź dziaržaŭnaha himna», — adna z prapanoŭ u ramkach fłešmobu BRSM da Dnia dziaržaŭnaha ściaha, dziaržaŭnaha hierba i dziaržaŭnaha himna, jaki Łukašenka ŭvioŭ u druhuju niadzielu maja.
Taksama pad tehami #hanarusiarodnymisimvałami, #mojściah, #znajusvojfłah, #rodnajerodnaje prapanujecca publikavać u sacsietkach svoj razmalavany ŭ aficyjny čyrvona-zialony ściah tvar i vyviešvać hetyja ściahi z voknaŭ.
Da ŭdziełu ŭ akcyi zmušajuć pieradusim biudžetnikaŭ, školnikaŭ i studentaŭ.
Pad teham #hanarusiarodnymisimvałami nabrałasia ŭžo bolš za 500 publikacyj.
Zvyčajna fłešmoby BRSM zastajucca niezaŭvažanymi ŭ sacyjalnych sietkach, ale nie ŭ hety raz.
Moładzievyja niezaležnyja inicyjatyvy RADA i ZBS, jakija vymušana akazalisia za miažoj, prapanavali maładym ludziam dałučacca da akcyi pad bieła-čyrvona-biełym ściaham.
«#hanarusiarodnymisimvałami, ale za ich zabivajuć u majoj krainie, #znajusvojfłah i jon nie štučna stvorany z savieckaha, a maje historyju, #mojfłah — heta bčb-ściah, #mojhierb — heta «Pahonia», #myflag is the flag I am fighting for, #Biełaruś budzie volnaj, #BRSM zajmiciesia ŭžo čym narmalnym, nu jej bohu», — napisała biełaruska-emihrantka Alina Charysava ŭ instahramie, supravadziŭšy dopis fota z nacyjanalnym bieła-čyrvona-biełym ściaham.
Ciapier stužka fłešmobu vyhladaje tak:
U zahinułaj u Ślapiancy dziaŭčynie apaznali Janu Kastrankovu2
Kamientary
Tyja chto sfotkaŭsia z KZ - vam heta prysud na ŭsie žyćcie, nikoli nie admyjeciesia!
Nikudy nie voźmuć, usiul buduć vam ŭ tvar tykać hetymi fota!
I što vy skažacie? "kali b ja nie sfotkaŭsia z KZ mianie b vyhnali sa škoły ci rastrelali"?) śmiešna. Heta budzie pomnik vašaj trusaści i niemahčymaści skazać "NIE!" ściervam z načosami (hetak zvanym "vučycielnicam")
Kiravać ničym nie zmožacie, u palityku - nie, narmalnyja firmy nie voźmuć na pracu