Prezident Sierbii: My b mahli ŭvieści śmiarotnaje pakarańnie, ale staniem u adzin šerah ź Biełaruśsiu
Prezident Sierbii Alaksandr Vučyč źviarnuŭsia da nacyi z nahody dvuch vypadkaŭ stralaniny z čałaviečymi achviarami, što adbylisia ciaham apošnich dzion u krainie.
Alaksandr Vučyč zajaviŭ siońnia, što paśla ŭčorašniaj trahiedyi ŭ Mładenavacy buduć pryniatyja ekstrannyja miery, adna ź jakich — uzmacnieńnie žorstkaści ŭmoŭ dla vałodańnia zbrojaj. Na pres-kanfierencyi jon vykazaŭ spačuvańni siemjam zahinułych u Białhradzie i ŭ Mładenavacy i skazaŭ im, što «kraina adzinaja ŭ bolu i smutku».
Vučyč zajaviŭ, što chacieŭ by viarnuć u Sierbii śmiarotnaje pakarańnie dla baraćby z najbolš aburalnymi złačynstvami, ale, padobna, nie budzie sprabavać realizavać heta, bo tady Sierbija stanie ŭ adzin šerah ź Biełaruśsiu, adzinaj krainaj u Jeŭropie, dzie isnuje śmiarotnaje pakarańnie.
«Ja raniej vystupaŭ suprać śmiarotnaha pakarańnia, ale ciapier horka škaduju pra toje, što mieŭ takija pohlady», — zajaviŭ Vučyč.
Nahadajem, što ŭ sieradu 13-hadovy školnik zładziŭ stralbu ŭ adnoj sa škoł Białhrada, dzie zabiŭ siem svaich adnakłaśnikaŭ i achoŭnika, paranienyja byli byli 16 čałaviek. Adnak jon paźbiehnie pakarańnia, bo jašče nie dasiahnuŭ peŭnaha ŭzrostu.
A ŭčora viečaram u Mładenavacy 21-hadovy chłopiec zabiŭ vosiem čałaviek i paraniŭ 13.
-
U Hdańsku kiroŭca aŭtobusa ź Biełarusi i rabočy vierfi z Ukrainy vyratavali pažyłuju paru ad napadnika
-
Łatvija prapuściła aŭtamabili ź niejtralnaj pałasy, ale los miažy ź Biełaruśsiu pakul niavyznačany
-
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek
Kamientary