Połk Kalinoŭskaha sprabuje naładzić radyjotranślacyi z Ukrainy ŭ Biełaruś
Siońnia ŭ Biełarusi pa radyjo možna było słuchać zvarot pałka Kalinoŭskaha da biełarusaŭ. Jon tranślavaŭsia pa niekalkich radyjostancyjach i achapiŭ u asnoŭnym Homielskuju vobłaść, śćviardžaje telekanał «Biełsat».
Na videa, jakoje dasłali ŭ redakcyju telekanała «Biełsat», a paśla vystavili i ŭ telehram-kanale pałka, častoty niaznačna adroźnivajucca ad tych, što tranślujucca ŭ Homielskaj vobłaści, tamu što videazapis vioŭsia kala miažy z boku Ukrainy.
Bolšaja častka pramovy kalinoŭcaŭ była adrasavanaja biełaruskim vajskoŭcam.
«Čamu vajna va Ukrainie — heta nie vajna biełarusaŭ? Ruskija — heta vorah Biełarusi. Jany akupavali sa zbrojaj u rukach Biełaruś. Ja biełarus, ja nie davaŭ dazvołu, kab ruskija byli na majoj ziamli!»
«Pahladzicie na trupy rasijan. Ich tysiačy na biełaruskaj ziamli. Vy budziecie dyvanom z trupaŭ, pa jakim my zojdziem u Biełaruś», — havorać kalinoŭcy ŭ zvarocie da biełaruskich vajskoŭcaŭ.
«Kali my pieramožam Rasiju, u nas jość šaniec pabudavać bolš volnaje biełaruskaje hramadstva».
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary