Fitnes-centr «Trajpła» ŭ Minsku kupiŭ uładalnik farmaceŭtyčnaha biznesu
U kancy minułaha tydnia fitnes-centr Evo wellness club u Minsku, jaki naležaŭ «Trajpłu» Juryja Čyža, pradali na aŭkcyjonie. Heta vynikaje ź infarmacyi na sajcie «Biełrealizacyja». Kompleks za amal 2,9 młn dalaraŭ kupiła kampanija «Biełfarm-miedyka», suzasnavalnikam jakoj źjaŭlajecca biznesoviec Andrej Ščebraŭ. Realt.by raskazała, što heta za čałaviek i jaki ŭ jaho biznes.
Kompleks Evo wellness club znachodzicca na vulicy Bahdanoviča, 155. Jon pazicyjanujecca jak premijalny fitnes-kłub. Akramia niepasredna fitnes-kłuba, u kompleksie na čatyry tysiačy kvadratnych mietraŭ jość restaran, sałon pryhažości, spa-zona, trenažornaja zała, basiejn z rełaks-zonami i łaźniami, piłates-studyja i stałovaja dla piersanału.
Kompleks pracuje ŭžo bolš za 10 hadoŭ, ale niadaŭna jaho vystavili na tarhi. Pačatkovy košt byŭ 13,3 młn rubloŭ — i niekalki tarhoŭ nie adbyłosia. U vyniku canu panizili na 30% i jana stała ŭžo kala 9,3 młn rubloŭ. Novyja tarhi prajšli 14 krasavika. Jany byli arhanizavanyja na panižeńnie — da minimalnaha koštu 8 młn rubloŭ.
Na kompleks pretendavali minimum try pakupniki, a pieramožcam aŭkcyjonu stała TAA «Biełfarm-miedyka». Fitnes-centr abyšoŭsia joj u 8 475 980 rubloŭ (kala 2,9 młn dalaraŭ pa aktualnym kursie).
Zhodna z vypiskaj z adzinaha dziaržrehistratara jurydyčnych asob, kampanija «Biełfarm-miedyka» isnuje z 2010 hoda. Asnoŭny vid jaje dziejnaści — aptovy handal farmaceŭtyčnymi, miedycynskimi i artapiedyčnymi tavarami. Suzasnavalnikami kampanii źjaŭlajucca biznesoviec Andrej Ščebraŭ i SZAT «Biełfarm».
65-hadovy Andrej Ščebraŭ — adzin z najviadomiejšych biznesmienaŭ na aptečnym rynku Biełarusi. Na pačatku 90-ch razam z partniorami jon stvaryŭ kampaniju «Biełfarm», jakaja stała pieršym pryvatnym pastaŭščykom zamiežnych lekaŭ u krainu. «Biełfarm» stała taksama pieršaj u Biełarusi pryvatnaj aptečnaj sietkaj.
Roskvit «Biełfarma» pryjšoŭsia na kaniec 1990-ch — pačatak 2000-ch hadoŭ, u jakija kampanija paŭdzielničała ŭ aanaŭskaj prahramie pa abmienie charčavańnia i lekaŭ na irakskuju naftu.
Jašče ŭ 2010 hodzie aptečnaja sietka Ščebrava i partnioraŭ zajmała druhoje miesca paśla dziaržaŭnaj sistemy «Farmacyja» pa liku kropak prodažaŭ. Ale ŭ apošniaje dziesiacihodździe jaje paciaśnili bolš ahresiŭnyja hulcy, jakija zrabili staŭku na raźvićcio brendavanych sietak.
U 2020 hodzie sietka «Biełfarm» užo nie ŭvachodziła navat u dziasiatku najbujniejšych roźničnych biznesaŭ, a jašče raniej vypała ź liku viadučych dystrybjutaraŭ. U 2022 hodzie apteki «Biełfarma» uvohule pierajšli pad kryło sietki «Vostraŭ zdaroŭja».
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia3
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary