Na tarhach u Minsku znoŭ nie zmahli pradać elitny azdaraŭlenčy kompleks Evo wellness club u Minsku, jaki naležyć kampanii «Trajpł» apalnaha biznesoŭca Juryja Čyža. Jaho sprabavali pradać na placoŭcy ZAT «Biełrealizacyja», ale achvotnych nabyć nieruchomaść nie znajšłosia, piša «Zierkało».
Tarhi, pryznačanyja na 14 sakavika, ale nie adbylisia, bo nie znajšłosia achvotnych u ich udzielničać. Ciapier čakajucca paŭtornyja tarhi.
Kłub prapanoŭvali ŭdzielnikam aŭkcyjonu za 12 młn 13 tys. rubloŭ. Hetaja suma na 1 młn 335 tys. rubloŭ (10%) mienšaja, čym była na papiarednich tarhach 5 studzienia, jakija taksama nie adbylisia. Tady za nieruchomaść chacieli atrymać 13 młn 348 tys. rubloŭ.
Evo wellness club raźmiaščajecca ŭ Minsku pa adrasie vuł. Maksima Bahdanoviča, 155. Heta vialiki kompleks płoščaj zvyš 4 tysiač «kvadrataŭ» ź fitnes-centram, spa-zonaj, basiejnam, sałonam pryhažości, restaranam i inšymi ŭstanovami dla naviedvalnikaŭ i piersanału. Pavodle peŭnych źviestak, ustanova ŭžo niekalki hadoŭ była stratnaj.
Kamientary