Valfovič vystupiŭ z novymi zajavami, skiravanymi na raspalvańnie varožaści da ŭkraincaŭ
Valfovič zajaviŭ, što Ukraina pieratvaryła teraabaronu ŭ nacyjanalistyčnyja farmavańni. Sa słoŭ dziaržsakratara Rady biaśpieki, jany vykarystoŭvajucca nie dla abarony krainy, a dla maradziorstva i rabavańnia.
Dziaržaŭny sakratar Rady biaśpieki Alaksandr Valfovič, jaki rehularna tranśluje naratyvy rasijskaj prapahandy, ličyć, što Ukraina pierakruciła sutnaść padraździaleńniaŭ sił terytaryjalnaj abarony, pieratvaryŭšy ich u nacyjanalistyčnyja farmiravańni.
«Ukraina siońnia terytaryjalnuju abaronu niekalki skaziła, ich padraździaleńni pieratvorany ŭ nacyjanalistyčnyja farmavańni. Nie dla abarony svajoj krainy, a dla maradziorstva i rabavańnia», — biezapielacyjna zajaviŭ jon u sieradu, inśpiektujučy chod vučeńniaŭ u Minskaj vobłaści, paviedamlaje pres-słužba Minabarony.
U Biełarusi terytaryjalnuju abaronu razhladajuć jak važny składnik vajennaj biaśpieki, pa słovach Valfoviča. «Arhanizacyja terytaryjalnaj abarony pačałasia z dvuchtysiačnych hadoŭ, z tych časoŭ adpracavany ŭsie pytańni arhanizacyi, płanavańnia i ŭdaskanaleńnia terytaryjalnaj abarony, — skazaŭ Valfovič. — Pa našym šlachu pajšli i susiednija krainy. Polšča, krainy Prybałtyki zrazumieli, što terytaryjalnaja abarona — heta nieabchodny elemient abarony dziaržavy».
Valfovič taksama adznačyŭ, što ciapier pry praviercy hatoŭnaści terytaryjalnaj abarony adpracoŭvajucca niekatoryja novyja elemienty. U pryvatnaści, u adpaviednaści z daručeńniem Łukašenki ŭ jaje skład uklučajuć terytaryjalnyja padraździaleńni inśpiekcyi achovy žyviolnaha i raślinnaha śvietu.
«Heta najbolš abstalavanyja i padrychtavanyja ŭ mirny čas struktury, jakija vydatna viedajuć kožny kutok svajho rajona. Jany asnaščany samymi sučasnymi srodkami: kvadrakoptarami, videakamierami, ciepłavizarami. Jany tolki ŭzmocniać terytaryjalnuju abaronu», — skazaŭ dziaržsakratar.
U Biełarusi ŭpieršyniu zadziejničali narodnaje apałčeńnie
Valfovič pra narodnaje apałčeńnie: Im vydaduć strałkovuju zbroju, jakaja budzie zachoŭvacca pry ich
Zbory terytaryjalnych vojskaŭ pačalisia ŭ Hrodzienskaj vobłaści
Kamientary
Da i začiem ukraincam samich siebia hrabiť i ubivať ?