U Polščy vykryli špijonskuju sietku Rasii, jakaja płanavała dyviersii
Ahienctva ŭnutranaj biaśpieki Polščy likvidavała špijonskuju sietku, jakaja pracavała na Rasiju i pavinna była ździajśniać padrychtoŭku da dyviersijnaj dziejnaści ŭ Polščy. Pra heta sa spasyłkaj na krynicy piša RMF FM.
U ramkach rasśledavańnia supracoŭniki AUB zatrymali šeść čałaviek, a na čyhunačnych šlachach i abjektach nacyjanalnaj krytyčnaj infrastruktury z-za dziejnaści sietki była abvieščana tryvoha. Zatrymanyja źjaŭlajucca inšaziemcami «z-za ŭschodniaj miažy», jakija, jak mierkavałasia, pracavali na rasijskija śpiecsłužby.
Ahienty AUB zatrymali ich u suviazi z vyjaŭleńniem schavanych kamier na važnych maršrutach i čyhunačnych vuzłach, jakija fiksavali ruch na šlachach i pieradavali vyjavy ŭ sietku.
Pavodle infarmacyi, atrymanaj RMF FM, havorka idzie pierš za ŭsio pra ŭčastki čyhunačnych šlachoŭ u Padkarpackim vajavodstvie — u pryvatnaści, kala aeraporta ŭ Jasioncy niepadalok ad Žešuva. Hety aeraport — hałoŭny tranzitny punkt dla pastavak zachodniaj zbroi i bojeprypasaŭ dla Ukrainy. Kamiery taksama byli ŭstalavanyja ŭ inšych častkach Polščy.
U suviazi sa śpiecapieracyjaj supracoŭniki słužbaŭ i palicyi pryviedzieny ŭ stan pavyšanaj hatoŭnaści. Asablivuju ŭvahu pravaachoŭniki nadajuć biaśpiecy stratehična važnych čyhunačnych šlachoŭ u Polščy, a taksama ŭzmocnienaj achovie klučavych abjektaŭ krytyčnaj infrastruktury.
Ciapier čytajuć
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary
javno kakichto biełorusov da ukrainciev podstavili..