«Zatrymali vypadkova». Miedźviadčuk raspavioŭ, chto jaho zatrymaŭ paśla ŭciokaŭ z-pad varty
Viktar Miedźviadčuk u rasijskim teleefiry raspavioŭ pra svajo zatrymańnie SBU ŭ krasaviku minułaha hoda.
Jon śćviardžaje, što jaho zatrymali kala šaści viečara 12 krasavika. Tym samym jon abvierh kanśpirałahičnyja viersii, što jaho zatrymali adrazu paśla pačatku ŭvarvańnia, a pakazali hramadskaści tolki ŭ krasaviku.
Jon havoryć, što zatrymała jaho terabarona, pryčym vypadkova — paznali. «Nadzieli kajdanki, nadzieli miašok i pavałakli ŭ inšuju mašynu», — kaža Miedźviadčuk.
Taksama Miedźviadčuk raspavioŭ, dzie było zroblena jaho znakamitaje ŭžo fota ŭ formie i ŭ kajdankach.
«Heta kabiniet načalnika Departamienta kontrvyviedki SBU. Mianie pryvieźli ŭ niejkim kaŭpaku, tamu i pryčoska takaja. Kali jaho źniali, pierada mnoj stajaŭ Bakanaŭ (na toj momant — kiraŭnik SBU). Da hetaha ja byŭ u miašku na cemientavaj padłozie».
Sa słoŭ Miedźviedčuka, fizičnaha hvałtu da jaho nie ŭžyvali, «ale ŭsio astatniaje było».
Jon kaža, što niekalki miesiacaŭ jon pravioŭ u kajdankach, jakija nie zdymali ni ŭdzień, ni ŭnačy. Ale ciapier z rukami ŭ jaho ŭsio narmalna — «čałaviek pryzvyčajvajecca da ŭsiaho».
U vieraśni minułaha hoda ahient upłyvu Maskvy, jakoha nazyvajuć kumam Pucina, byŭ abmienieny na abaroncaŭ «Azoŭstali».
Ciapier čytajuć
Pavieł Vinahradaŭ upieršyniu raskazvaje, jak jaho zakinuli na samaje dno biełaruskaj turmy. Jak heta — kali susiedzi za cyharetu jaduć čužoje haŭno16
Kamientary