«Biełarusnafta» stanie aktyŭniej handlavać charčami. I nie tolki na AZS
U Biełarusi źjavicca novaja sietka praduktovych kram ad «Biełarusnafty». Pra heta raskazaŭ namieśnik hienieralnaha dyrektara pa zabieśpiačeńni vuhlevadarodnaj syravinaj i realizacyi pradukcyi kampanii Siarhiej Kamornikaŭ.
Pavodle słoŭ top-mieniedžara, u kampanii źbirajucca aktyŭna raźvivać kirunak roźničnaha handlu. Pry hetym handlovyja kropki buduć stvaracca nie tolki na AZS, ale i niezaležna ad ich pa ŭsioj krainie.
Kamornikaŭ skazaŭ, što ŭ chutkim časie ŭ kožnym abłasnym centry kampanija adkryje pa adnoj kramie ŭ farmacie «kala doma» ŭ žyłych mikrarajonach. Pieršaja takaja krama, jakaja nazyvajecca «Cikavy», užo zapracavała ŭ Hrodnie.
U płanach kampanii značycca taksama pašyreńnie handlu i ŭ ramkach sietki AZS. Pry hetym nie abmiažujucca pašyreńniami handlovych załaŭ za košt pierapłaniroŭki i ŭstalavańnia sučasnaha handlovaha abstalavańnia: pobač ź dziejučymi zapraŭkami časovych handlovych paviljonaŭ. Tolki ŭ 2023 hodzie ich pavinna źjavicca ad 7 da 10.
Ciapier čytajuć
Babaryka: Kali b my pieramahli — vajny va Ukrainie nie było b29
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»88
Kamientary