Cichanoŭskaja pra svoj prysud: Siońnia ja dumaju pra tych, kamu sud daŭ realnyja, a nie zavočnyja terminy
Śviatłana Cichanoŭskaja adrazu paśla vyniasieńnia joj sudom zavočnaha prysudu ŭ 15 hadoŭ pazbaŭleńnia voli vykazałasia, što pra heta dumaje i jak aceńvaje.
«Ja nie dumaju pra toje, što jany chacieli skazać mnie svaim «prysudam». Ź im ci bieź jaho — ja i demakratyčnyja siły rabili i praciahniem rabić usio mahčymaje, kab vyzvalić našych palityčnych źniavolenych i pryvieści našu krainu da demakratyčnych pieramien», — zajaviła Cichanoŭskaja.
U toj ža čas jana kaža: «Siońnia ja dumaju pra tych, kamu režym daŭ realnyja, a nie zavočnyja terminy. 5, 16, ci 22 hady…»
Urešcie, Cichanoŭskaja papiaredziła vykanaŭcaŭ złačynnych zahadaŭ, siarod jakich sudździ i prakurory:
«Niachaj jany lepš padumajuć pra siabie sami: bo Łukašenka nie stanie abaraniać ich u sapraŭdnym, niezaležnym sudzie, dla jakoha biełaruskija jurysty ŭžo sabrali dastatkovuju kolkaść śviedčańniaŭ. Jon budzie ratavać tolki siabie i svajo blizkaje koła. Dyk ci varta padstaŭlać samich siabie dziela abarony taho, chto i tak asudžany na pravał?»
Čytajcie taksama:
Śviatłanie Cichanoŭskaj prysudzili 15 hadoŭ, Łatušku — 18
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary
Śviatłana zrabiła vielmi ciažki vybar kali vyrašyła stać kandydatam.
Sieńnia u nas jość michnarodna vyznany prezident i mižnarodna apuščany dyktatar i ni ŭ kaho niama sumnievaŭ u Biełarusi i za miažoj (akramia Padalaka), što značna pieravažajučaja bolšaść biełarusaŭ za demakratyju i suprać dyktatury i suprać raški