U mahistracie «Knihaŭka» ŭžo bolš za 300 udzielnikaŭ. I da jaho možna dałučacca
Biełaruskaja rada kultury paviedamlaje, što ŭ mahistracie «Knihaŭka», u jakim abjadnanyja achvotnyja dapamahčy naładzić biełaruskuju vydavieckuju spravu za miažoj, užo 306 udzielnikaŭ. A za bolš čym dva miesiacy, što jon pracuje, vydaviec Andrej Januškievič paśpieŭ vydać try novyja knihi na biełaruskaj movie.
Dałučycca da supolnaści, jakaja abjadnałasia, kab dapamahčy vydaŭcu Andreju Januškieviču adnavić dziejnaść za miažoj, nikoli nie pozna.
Vydadzienyja knihi ŭžo ciapier možna zamović praz servis Allegro, chutka jany, imavierna, buduć dastupnyja i na Amazon. Ale zaviaršajecca i raspracoŭka asobnaj internet-kramy «Knihaŭka». Afłajn-asobniki dastupnyja ŭ varšaŭskich Biełaruskim moładzievym chabie i Centry biełaruskaj salidarnaści.
Knihi, vydadzienyja ciaham apošnich dvuch miesiacaŭ, — «I ŭzychodzić sonca» Ernesta Cheminhueja, «Karol» Ščepana Tvardacha i «Piersiepolis» Maržan Satrapi.
Nieŭzabavie Andrej Januškievič vydaść taksama knihi «Kazik z Kamiennaj Horki i Viadźmak Schavanaha Horada» Alesia Kudryckaha, «Volniery. Kniha 1» Valera Hapiejeva, ramany «Vialiki Hetśbi» Frensisa Skota Ficdžeralda i «Razmovy ź siabrami» Sali Runi.
Novyja knihi, darečy, buduć vychodzić i ŭ elektronnym varyjancie, a «I ŭzychodzić sonca» ŭžo pradajecca na Google Books.
Čytajcie taksama:
Mahistrat «Knihaŭka»: Rada kultury zapuskaje pieršy prajekt «biełaruskaha Patreona»
Ciapier čytajuć
Daśledčyki znajšli miesca ŭ Biełarusi, dzie bazujecca «Arešnik»4
Daśledčyki znajšli miesca ŭ Biełarusi, dzie bazujecca «Arešnik»
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary