ISW: Vizit Łukašenki ŭ Kitaj moža być źviazany z padrychtoŭkaj da abychodu zachodnich sankcyj za pastaŭki zbroi Rasii
Vizit Alaksandra Łukašenki ŭ Kitaj, vierahodna, nakiravany na toje, kab dapamahčy Rasii i KNR abyści zachodnija sankcyi, ličać u Amierykanskim instytucie vyvučeńnia vajny (ISW).
U čarhovym dakładzie Instytuta havorycca, što płany zaklučeńnia kitajska-biełaruskich pahadnieńniaŭ ab handli, inviestycyjach i maštabnych sumiesnych prajektach mohuć być niepasredna źviazanyja ź vierahodnaj pastaŭkaj Piekinam zbroi Rasii.
«Abviaščeńnie Łukašenki ab jaho zapłanavanym vizicie supadaje z paviedamleńniami CNN i The Washington Post ab tym, što, pavodle infarmacyi amierykanskich uładaŭ, Kitaj surjozna razhladaje mahčymaść prodažu Rasii bajavych bieśpiłotnikaŭ, zbroi i 122-mm i 152-mm artyleryjskich snaradaŭ», — pišuć aŭtary dakłada.
«Vierahodna, rasijskija i kitajskija čynoŭniki raspracavali płan dastaŭki bieśpiłotnikaŭ u Rasiju pa padroblenych tavarasupravadžalnych dakumientach, kab paźbiehnuć mižnarodnych sankcyj. Kitaj moža pasprabavać vykarystoŭvać pahadnieńni ź Biełaruśsiu, kab schavać parušeńnie sankcyjnaha režymu», — ličać u ISW.
Vizit Łukašenki ŭ Kitajskuju Narodnuju Respubliku zapłanavany na daty z 28 lutaha pa 2 sakavika.
Čytajcie taksama:
Dyrektar CRU: Kitaj vyvučaje mahčymaść pastaŭki zbroi ŭ Rasiju
Łukašenka lacić u Kitaj
Kitaj apublikavaŭ svaju pazicyju pa ŭrehulavańni kanfliktu va Ukrainie
Der Spiegel: Kitaj viadzie pieramovy z Rasijaj adnosna pastavak dronaŭ-kamikadze
Ciapier čytajuć
«Ja pieršamajskaje bydła i limita, bazaru nul. Ale blizki da centra pryniaćcia rašeńniaŭ». Što Tur piša pad psieŭdanimam u «ekstremisckim» čacie10
Kamientary