8 lutaha arcybiskupu-emierytu Tadevušu Kandrusieviču była zroblena apieracyja pa vydaleńni puchliny.
Jak zasłužany ijerarch sam paviedamiŭ sa špitala Catholic.by, chirurhičnaje ŭmiašańnie, pavodle lekaraŭ i jaho samaadčuvańnia, prajšło paśpiachova.
Arcybiskup ciapier adčuvaje siabie dobra i prachodzić paślaapieracyjnuju reabilitacyju.
«Napiaredadni Suśvietnaha dnia chvoraha, jaki adznačajecca 11 lutaha, malitoŭna jadnajusia z usimi chvorymi. Niachaj Maci Božaja z Łurda svaim zastupnictvam nas umacoŭvaje i vyprošvaje łasku zdaroŭja dla dušy i dla cieła»,— pieradaŭ ijerarch u telefonnaj razmovie.
Arcybiskup Tadevuš Kandrusievič ad usiaho serca dziakuje lekaram i ŭsim, chto molicca ŭ intencyi jaho chutčejšaha vyzdaraŭleńnia, i spadziajecca na toje, što nieŭzabavie z novymi siłami praciahnie słužyć Bohu i ludziam.
Kamientary